મુંબઈ,
12 સપ્ટેમ્બરના રોજ એપલ કંપનીએ એક ઇવેન્ટ રાખી છે જેમાં આઈફોન સાથે બીજી કંપનીઓ પણ પોતાના નવા પ્રોડક્ટ્સને લોન્ચ કરવાની તૈયારી કરી રહ્યા છે. આ દરમ્યાન ટ્રેડ કંપનીઓએ ખરીદકારોને આઈફોન બાબતે ચેતવણી આપવાની શરુ કરી દીધી છે. રીપોર્ટના જણાવ્યા પ્રમાણે ટ્રેડ કંપનીઓએ ખરીદકારોને અત્યારથી જ જુના આઈફોન વેચી દેવાની સલાહ આપી છે.
સુત્રોના જણાવ્યા પ્રમાણે iPhone 8 ની કિંમત ૮ ટકા જેટલી ઘટી જશે. નવા આઇફોનના લોન્ચ થયા બાદ તેની કિંમત વધારે ૬ ટકા સુધી ઘટે તેવી સંભાવના છે. આશરે ૧૦ ટકા જેટલી કિંમત આઈફોનની ઘટી શકે છે.
મોબાઈલ રીસાયકલીંગ કંપનીએ આઈફોનના અભ્યાસ બાદ કહ્યું છે કે છેલ્લા ૬ જનરેશનના આઈફોનની કિમત ઝડપથી ઘટી રહી છે. માર્કેટમાં નવું મોડલ આવવાથી જુના મોડલની કિંમતમાં ઘટાડો થઇ જાય છે. રીપોર્ટ મુજબ નવા આઈફોનના લોન્ચ થયાના ૧૦ દિવસ પછી જ જુના આઈફોનની કિંમત ૪૫૦૦ રૂપિયા જેટલી ઓછી થઇ જાય છે.
આ દરમ્યાન બીજી કંપની દ્વારા નવા આઈફોનના કેટલાક ફોટા લીક કરવામાં આવ્યા છે પરંતુ આ ફોટા અસલી છે તેનું કોઈ પ્રમાણ આપવામાં આવ્યું નથી.
iPhone XS કંપની આ વખતે ફોન ત્રણ કલરની વેરાયટીમાં લોન્ચ કરે તેવી શક્યતા છે. રીપોર્ટમાં જણાવ્યા મુજબ આ વખતે કંપની આઈફોન બ્લુ કલરમાં લોન્ચ કરી શકે છે.
iPhone Xના આ નવા મોડલમાં A સીરીઝ પ્રોસેસર, ૫૧૨ GB મેમરી આપવામાં આવશે. ઉપરાંત ફોનની ડિસ્પ્લે ૬.૫ ઇંચ જેટલી હશે જો કે તેના સ્પેસીફીકેશન iPhone X જેવા જ રહેશે.
