ઉત્તર પ્રદેશનાં મઉ જિલ્લામાં સમાજવાદી પાર્ટીનાં નેતા અને પૂર્વ પ્રધાન બિજલી યાદવને રવિવારે સવારે અજાણ્યા હુમલાખોરોએ ગોળી મારીને હત્યા કરી દીધી હતી. તે સમયે તેઓ ઘરેથી વોકિંગ માટે નીકળ્યા હતા ત્યારે આ ઘટના બની હતી. આ બનાવ બાદ સમગ્ર વિસ્તારમાં ખળભળાટ મચી ગયો હતો. પોલીસ અને ફોરેન્સિક વિભાગની ટીમે ઘટનાસ્થળ પર તપાસ કર્યા બાદ પુરાવાને કબ્જે લઇને લાશને પોસ્ટમોર્ટમ માટે મોકલી આપી હતી.
મળતી માહિતી મુજબ, આ ઘટના મુહમ્મદાબાદ ગોહની કોતવાલી વિસ્તારનાં બારજલા શેખાવલિયા ગામની છે. ગામનાં પૂર્વ પ્રધાન બિજલી યાદવ રવિવારે સવારે ઘરેથી વોકિંગ માટે નિકળ્યા હતા. દરમિયાન, બાઇક સવારોએ બિજલી યાદવને ગોળી મારીને હત્યા કરી હતી. ફાયરિંગનો અવાજ આવતા ગ્રામજનો દોડીને પહોંચ્યા ત્યાં સુધીમાં હુમલો કરનારા ફરાર થઈ ગયા હતા. જણાવી દઇએ કે ગ્રામજનોએ પૂર્વ પ્રધાનનાં પરિવારનાં સભ્યો અને પોલીસને જાણ કરી.
ઘટનાની જાણ થતાં જ અનેક પોલીસ સ્ટેશનોની પોલીસ ઘટના સ્થળે પહોંચી ગઈ હતી અને પોલીસ અધિક્ષકે પણ ઘટના પર નજર નાખી હતી. વળી, એસપી નેતાઓ અને જિલ્લાનાં કાર્યકરોનાં ટોળા ઘટના સ્થળે એકઠા થયા હતા. જે બાદ પોલીસે લાશનો કબજો લઈ પોસ્ટમોર્ટમ માટે જિલ્લા હોસ્પિટલમાં મોકલી આપ્યો હતો.
વળી, પોલીસ અધિક્ષક અનુરાગ યાદવે કહ્યું હતું કે, આજે સવારે એક પૂર્વ પ્રધાનની ગોળી મારીને હત્યા કરવામાં આવી હોવાના અહેવાલ મળ્યા છે. ડોગ સ્કવોડ સહિતની તમામ ટીમોને તપાસ માટે બોલાવવામાં આવી છે. મૃતકની પત્નીનાં તહરીર પર ગુનો નોંધવામાં આવી રહ્યો છે. બનાવના ગુનેગારોની ટૂંક સમયમાં ધરપકડ કરવામાં આવશે અને કડક કાયદેસરની કાર્યવાહી કરવામાં આવશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
