નેશનલ ડિઝાસ્ટર રિસ્પોન્સ ફોર્સ (NDRF) નું સત્તાવાર ટ્વિટર હેન્ડલ શનિવારે મોડી રાત્રે સંભવિત હેકિંગ હુમલાનો શિકાર બન્યું હતું. અધિકારીઓએ આ માહિતી આપી છે. દળનાં એક વરિષ્ઠ અધિકારીએ રવિવારે જણાવ્યું હતું કે, ટેકનિકલ નિષ્ણાતો આ મામલાની તપાસ કરી રહ્યા છે અને ટૂંક સમયમાં હેન્ડલ ફરી શરૂ કરવામાં આવશે.
આ પણ વાંચો – Shocking / વૃદ્ધનું ઘર પૂરી રીતે સળગી ગયુ પણ બિલાડી બચી ગઇ તો ખુશીમાં રડવા લાગ્યા, જુઓ આ ભાવુક Video
નેશનલ ડિઝાસ્ટર રિસ્પોન્સ ફોર્સ (NDRF)નું ટ્વિટર હેન્ડલ પણ હેકર્સ દ્વારા હુમલો કરવામાં આવ્યું છે. તેનું ટ્વિટર હેન્ડલ શનિવારે રાત્રે હેક કરવામાં આવ્યું હતું. નેશનલ ડિઝાસ્ટર રિસ્પોન્સ ફોર્સ (NDRF) મહાનિર્દેશક અતુલ કરવલે આ માહિતી આપી હતી. તેણે જણાવ્યું કે, શનિવારે રાત્રે ટ્વિટર હેન્ડલ હેક કરવામાં આવ્યું હતું. અમે આ મામલે વધુ તપાસ કરી રહ્યા છીએ. એક વરિષ્ઠ અધિકારીએ જણાવ્યું હતું કે, NDRF નાં હેન્ડલ પર કેટલીક ખોટી પોસ્ટ્સ દેખાઈ હતી અને પહેલાથી પ્રકાશિત પોસ્ટ્સ દેખાતી બંધ થઈ ગઈ હતી. જોકે, ટ્વિટર હેન્ડલનાં ફોટો અને બાયોમાં કોઈ ફેરફાર થયો નથી. અધિકારીઓએ કહ્યું કે, ટેકનિકલ ટીમ તેના પર કામ કરી રહી છે. ટ્વિટર હેન્ડલ ટૂંક સમયમાં ફરી શરૂ કરવામાં આવશે. અહી આપને જણાવી દઇએ કે, કેટલાક સંદેશાઓ NDRF નાં ટ્વિટર હેન્ડલ પરથી પોસ્ટ કરવામાં આવ્યા હતા અને તે પૂર્વ-પ્રકાશિત સંદેશાઓ પ્રદર્શિત કરતા ન હોતા, પરંતુ ફેડરલ ફોર્સ વિશે સત્તાવાર ‘ડિસ્પ્લે’ ચિત્ર અને માહિતી દર્શાવે છે. NDRF ની રચના 2006 માં કુદરતી અને માનવસર્જિત આફતોનો સામનો કરવા માટે ફેડરલ આકસ્મિક દળ તરીકે કરવામાં આવી હતી અને 19 જાન્યુઆરીએ તેનો 17મો સ્થાપના દિવસ ઉજવવામાં આવ્યો હતો.
આ પણ વાંચો – Indian Railways / IRCTC તેજસ એકસપ્રેસમાં મુસાફરી કરી રહેલા 544 મુસાફરોને એક લાખ રૂપિયાથી વધુ આપશે,જાણો વિગત
અગાઉ ગયા વર્ષે ડિસેમ્બરમાં, વડા પ્રધાન નરેન્દ્ર મોદીનું ટ્વિટર એકાઉન્ટ થોડા કલાકો માટે હેક કરવામાં આવ્યું હતું અને તે દરમિયાન તેમની સાથે એક કૌભાંડની લિંક શેર કરવામાં આવી હતી જેમાં બિટકોઇનને મંજૂરી આપવાનું વચન આપવામાં આવ્યું હતું. બાદમાં જાન્યુઆરીમાં માહિતી અને પ્રસારણ મંત્રાલયનું ટ્વિટર એકાઉન્ટ હેક કરવામાં આવ્યું હતું.
