દિલ્હીમાં 1 ઓક્ટોબરથી વીજળી પર સબસિડી સ્વૈચ્છિક હશે. દિલ્હીમાં હવે તે લોકોને વીજળી પર સબસિડી મળશે, જેઓ સબસિડી માંગે છે. આ સંદર્ભમાં, દિલ્હી સરકાર તમામ વીજ ગ્રાહકોને પસંદગી માટે વિકલ્પો આપશે. મુખ્યમંત્રી અરવિંદ કેજરીવાલની અધ્યક્ષતામાં દિલ્હી કેબિનેટે આજે આ મહત્વપૂર્ણ નિર્ણય લીધો છે.
સીએમ અરવિંદ કેજરીવાલે કહ્યું કે વીજળી બિલ ભરવા માટે સક્ષમ લોકો પાસેથી મળેલા સૂચનો બાદ આ નિર્ણય લેવામાં આવ્યો છે. વીજળી પર સબસિડીની જરૂર છે કે નહીં, સરકાર હવે દરેક ગ્રાહકને એક વિકલ્પ આપશે. જેઓ સબસીડી માંગશે તેમને સબસીડી મળશે અને જેઓ સબસીડી નહી માંગે તેમને નહી મળે.
કોને મફત વીજળી આપવામાં આવશે?
આ સિવાય દિલ્હી કેબિનેટે નાણાંકીય વર્ષ 2022-23માં પણ પાવર સબસિડી યોજના ચાલુ રાખવાનો નિર્ણય લીધો છે. કેબિનેટના આ નિર્ણયથી કોરોના મહામારી બાદ મોંઘવારીનો સામનો કરી રહેલા દિલ્હીના લગભગ 47,11,176 વીજ ગ્રાહકોને મોટી રાહત મળશે. ગયા વર્ષની જેમ જ નાણાકીય વર્ષ (2022-23) માં, ઘરેલું વીજળી ગ્રાહકો, ખેડૂતો, કોર્ટ પરિસર, વકીલોની ચેમ્બર અને 1984 શીખ રમખાણો પીડિતોને વીજળી પર સબસિડીનો લાભ મળવાનું ચાલુ રહેશે.
મફત વીજળી કોને મળે છે?
મુખ્યમંત્રી અરવિંદ કેજરીવાલની અધ્યક્ષતામાં આજે દિલ્હી સચિવાલયમાં કેબિનેટની બેઠક યોજાઈ હતી. કેબિનેટની બેઠકમાં, વીજળી વિભાગ વતી વીજળી સબસિડી યોજના ચાલુ રાખવાની દરખાસ્ત કરવામાં આવી હતી. ઠરાવમાં એવું કહેવામાં આવ્યું હતું કે દિલ્હી સરકાર દ્વારા ઘરેલું ગ્રાહકો, ખેડૂતો, કોર્ટ પરિસર અને વકીલોની ચેમ્બરને તેમના વપરાશના આધારે ઘણી શ્રેણીઓમાં વિભાજિત કરીને સબસિડી આપવામાં આવે છે, જે આગળ પણ ચાલુ રાખવી જોઈએ.
કેબિનેટે વિભાગના આ પ્રસ્તાવ પર ગંભીરતાથી વિચાર-વિમર્શ કર્યો અને કોરોના રોગચાળા પછી મોંઘવારીથી પીડિત લોકોને થોડી રાહત આપવા માટે ચાલુ નાણાકીય વર્ષ (2022-23)માં વીજળી સબસિડી યોજના ચાલુ રાખવાના પ્રસ્તાવને મંજૂરી આપી.
આ પણ વાંચો:ભારતમાં છેલ્લા 24 કલાકમાં કોરોનાના 3,805 નવા કેસ નોંધાયા, 22 લોકોના મોત
આ પણ વાંચો:બે માળની ઈમારતમાં લાગી ભીષણ આગ, 7 લોકો જીવતા ભૂંજાયા
