Surat News: સુરતમાં NRI વૃદ્ધને ગઠિયાઓએ ફસાવી 64 લાખ રૂપિયા પડાવતા વૃદ્ધ ડિજિટલ અરેસ્ટ(Digital Arrest)નો ભોગ બન્યા છે. આરોપીઓએ 65 વર્ષીય વૃદ્ધને મોતની અને 5 લાખનો દંડ ભરવાની સજા આપવાની ધમકી આપતા સાયબર સેલમાં એનઆરઆઈ વૃદ્ધે FIR નોંધાવી છે.

સુરત(Surat)માં પાલ વિસ્તારમાં રહેતા 65 વર્ષીય વૃદ્ધ અમેરિકાથી પરત ફર્યા હતા. વૃદ્ધને સાયબર ગઠિયાઓએ વીડિયો કોલ (Video Call) કરી મુંબઈ ક્રાઈમ બ્રાન્ચ અને CBIના નામે ધમકી આપી ફસાવવાનું કાવતરૂં રચ્યું હતું. વધુમાં વૃદ્ધને વીડિયો કોલ કરી મની લોન્ડરિંગ કેસમાં પણ તેમનું નામ હોવાનું કહી ડરાવ્યા હતા. ગઠિયાઓએ આધારકાર્ડથી બેંકમાં એકાઉન્ટ ઓપન થયાનું જણાવ્યું હતું. તેમજ તેમના બેંકના ખાતામાં મોટા પાયે નાણાકીય વ્યવહારો થયાં હોવાનું પણ જણાવ્યું હતું.

તેથી ડરાવી – ધમકાવીને તેમના તપાસમાં સહકાર નહીમં આપો તો જેલમાં મોકલવાની ધમકી આપી હતી. આરોપીઓએ મૃત્યુદંડની સજા તથા 5 લાખના દંડના નામે ધમકાવ્યા હતા. આખરે ફસાવી વૃદ્ધ પાસેથી 64 લાખ રૂપિયા ખંખેર્યા હતા. વૃદ્ધને સાયબર ક્રાઈમનો ભોગ બન્યા હોવાની જાણ થતાં સુરત સાયબર સેલ(Cyber Cell)માં આરોપીઓ વિરૂદ્ધ ફરિયાદ નોંધાવી છે.

ડિજિટલ અરેસ્ટ એટલે શું?

જે લોકો ‘ડિજિટલ અરેસ્ટ’ વિશે નથી જાણતા, તેમને જણાવી દઈએ કે આ છેતરપિંડીની એક નવી રીત છે, જેને સાયબર ઠગ્સ આજકાલ અપનાવી રહ્યા છે. આના દ્વારા, છેતરપિંડી કરનારાઓ ક્યારેક લોકોને એવું કહીને ડરાવે છે કે તેઓ ગેરકાયદે ઉત્પાદનોના પાર્સલ મોકલે છે તો ક્યારેક બેંક ખાતા દ્વારા ગેરકાયદેસર વ્યવહારો કરી રહ્યા છે અને પછીથી છેતરપિંડી કરે છે.

એટલું જ નહીં, સાયબર ઠગ્સ કેસ નોંધવામાં અને ધરપકડનો ડર પણ બતાવે છે. જ્યારે કોઈ વ્યક્તિ આ જાળમાં ફસાઈ જાય છે, ત્યારે તેઓ પોલીસ ઓફિસર તરીકે પોઝ આપે છે અને તે વ્યક્તિ સાથે વીડિયો કોલ દ્વારા વાત કરે છે અને તેના પોતાના ઘરે ડિજિટલી ધરપકડ કરે છે. આ સમય દરમિયાન, ગુનેગારો પીડિતને વિડિયો કૉલ છોડવા પણ દેતા નથી અને ન તો તેને કૉલ પર કોઈની સાથે વાત કરવા દે છે.

જો તમને કોઈ ધાકધમકી અથવા ધમકીભર્યો કોલ આવે તો તરત જ પોલીસને તેની જાણ કરો.

જો કોઈ વ્યક્તિ તમારી સાથે કોઈ ચોક્કસ એજન્સીના અધિકારી તરીકે વાત કરી રહ્યું હોય, તો તમે તે એજન્સીને કૉલ કરી શકો છો અને મદદ માટે પૂછી શકો છો.

કોલ દરમિયાન પૈસાની લેવડ-દેવડ વિશે વાત કરશો નહીં. કોઈપણ અંગત વિગતો શેર કરશો નહીં.

જો આવું થાય, તો તમે 1930 પર ફરિયાદ નોંધાવી શકો છો.

તમે www.cybercrime.gov પર ઓનલાઈન મુલાકાત લઈ શકો છો. માં મુલાકાત લઈને પણ તમે મદદ મેળવી શકો છો. એટલું જ નહીં, તમે @cyberdost દ્વારા સોશિયલ મીડિયા સાઇટ X પર પણ ફરિયાદ નોંધાવી શકો છો.

આ પણ વાંચો:વૃદ્ધ વ્યક્તિ ત્રણ દિવસ સુધી ડિજિટલ અરેસ્ટમાં રહ્યો : ડર બતાવીને તેને ફસાવવામાં આવ્યો

આ પણ વાંચો:ડિજિટલ અરેસ્ટ કરી અમદાવાદના વેપારી સાથે 1 કરોડની ઠગાઈ : રાજસ્થાની ગેંગ ઝડપાઈ

આ પણ વાંચો:Digital Arrest: શું છે ડિજિટલ અરેસ્ટ, ક્યાં કરશો ફરિયાદ….