ભારતીય જનતા પાર્ટીની ઓડિશા સરકારે એક મોટો નિર્ણય લીધો છે. ગુરુવારે જગન્નાથ પુરી મંદિરના ચારેય દરવાજા ખોલવામાં આવ્યા હતા. આને લગતો પ્રસ્તાવ એક દિવસ પહેલા રજૂ કરવામાં આવ્યો હતો, જેને સવારે મંજૂર કરવામાં આવ્યો હતો. ખાસ વાત એ છે કે ભાજપે ઓડિશા વિધાનસભા ચૂંટણી પહેલા મંદિરના દરવાજા ખોલવાનું વચન આપ્યું હતું.
ગુરુવારે ઓડિશાના મુખ્યમંત્રી મોહન ચરણ માઝીએ મંદિરમાં પૂજા અર્ચના કરી હતી. આ દરમિયાન બીજેપી સાંસદ સંબિત પાત્રા, પ્રતાપ ચંદ્ર સારંગી સહિત ઘણા મોટા નેતાઓ હાજર હતા. પત્રકારો સાથે વાતચીત દરમિયાન તેમણે તમામ દરવાજા ખોલવાની માહિતી આપી હતી.
#WATCH | Puri: Morning visuals from the Puri Jagannath Temple where all four gates are to be opened for devotees in the presence of CM Mohan Charan Majhi and all of the Ministers of Odisha.
Odisha CM Mohan Charan Majhi along with Deputy Chief Ministers KV Singh Deo and Prabhati… pic.twitter.com/zyQFTKrG8x
— ANI (@ANI) June 13, 2024
તેમણે કહ્યું, ‘અમે ગઈ કાલે કેબિનેટની બેઠકમાં જગન્નાથ મંદિરના ચારેય દરવાજા ખોલવાનો પ્રસ્તાવ મૂક્યો હતો. આજે સવારે 6.30 કલાકે આ પ્રસ્તાવ પસાર કરવામાં આવ્યો હતો. મેં મારા ધારાસભ્યો અને પુરીના સાંસદ સાથે મંગળા આરતીમાં હાજરી આપી હતી…. અમે જગન્નાથ મંદિરના વિકાસ અને અન્ય કામો માટે પણ કેબિનેટમાં ફંડની દરખાસ્ત કરી છે. જ્યારે અમે આગામી બજેટ રજૂ કરીશું ત્યારે મંદિરના સંચાલન માટે 500 કરોડ રૂપિયાનું ફંડ ફાળવીશું.
ભાજપે ઓડિશા વિધાનસભા ચૂંટણીમાં મંદિરના તમામ દરવાજા ખોલવાનું વચન આપ્યું હતું. હકીકતમાં, બીજુ જનતા દળ પ્રશાસને કોવિડ રોગચાળા પછી ચાર બંધ દરવાજા ખોલ્યા ન હતા. જેના કારણે ભક્તોનો પ્રવેશ એક જ દરવાજાથી થતો હતો. એક દિવસ પહેલા જ સીએમ માઝીએ મંદિરના ચારેય દરવાજા ખોલવાની વાત કરી હતી. તેમણે બુધવારે કહ્યું હતું કે, ‘રાજ્ય સરકારે તમામ મંત્રીઓની હાજરીમાં કાલે સવારે પુરી જગન્નાથ મંદિરને ફરીથી ખોલવાનો નિર્ણય લીધો છે. ચારેય દરવાજામાંથી ભક્તો જઈ શકશે.
આ પણ વાંચો : શું જમ્મુ-કાશ્મીરમાં મોટા પાયે થઈ રહી છે ઘૂસણખોરી, પાકિસ્તાની આતંકવાદીઓ રચી રહ્યા છે ષડયંત્ર
આ પણ વાંચો : PM મોદી આજે ઇટલી જશે, G7 સમિટમાં ભાગ લેશે, જ્યોર્જિયા મેલોની સાથે પણ કરશે મુલાકાત
આ પણ વાંચો : રામનગરીમાં ફ્લાયઓવર બનાવવાનો પ્રસ્તાવ રદ્દ
