કૃષિ મંત્રી નરેન્દ્રસિંહ તોમારે ખેડૂતોને ખાતરી આપી હતી કે એમએસપીમાં કોઈ ફેરફાર કરવામાં આવશે નહીં. આ કાયદાની જોગવાઈઓ ખેડૂતોને સુરક્ષા પૂરી પાડે છે. તેમની જમીન વિશે કોઈ વાંચી અને લખી શકશે નહીં. જોકે, ખેડૂતો તેમની માંગ પર અડગ રહ્યા હતા અનેક ખેડૂતોએ ચક્કાજામ કરી મૂક્યો હતો.

પશ્ચિમ બંગાળના મુખ્યમંત્રી મમતા બેનર્જીએ આંદોલિત ખેડુતોની માંગણીઓ ન સ્વીકારવા અને સરકાર તારીખે તારીખ આપતી હોવા પર ચિંતા વ્યક્ત કરી હતી. તેમણે ટ્વિટમાં લખ્યું કે, “હું ખેડુતો, તેમના જીવન અને આજીવિકા વિશે ખૂબ જ ચિંતિત છું. ભારત સરકારે ખેડૂત વિરોધી કાયદાને પાછો ખેંચવો જોઈએ. જો આ તાત્કાલિક ધોરણે નહીં કરવામાં આવે તો અમે રાજ્ય અને દેશભરમાં આંદોલન કરીશું.  આ ખેડૂત વિરોધી કાયદાઓનો સખત વિરોધ કરીએ. “

9 મા દિવસે ખેડૂત આંદોલનને કારણે ટિકરી, ઝારોદાસ સિંઘુ, લંપુર, અછંડી, સફીબાદ, સાબોલી સરહદ આંદોલન માટે બંધ છે. એનએચ -44 બંને બાજુથી બંધ છે. ગાઝિયાબાદથી દિલ્હી જવાના વાહનવ્યવહાર માટે એનએચ -24 પર ગાઝીપુર સરહદો બંધ છે. સરકારે ખેડુતોને કાયદા પાછા ખેંચવાને બદલે ફક્ત ત્રણ કૃષિ કાયદા અને એક પ્રદૂષણ કાયદામાં સુધારો કરવા જણાવ્યું છે. જેથી 5 ડિસેમ્બરે યોજાનારી સભા પર હવે દરેકની નજર રહેશે. સિંઘુ બોર્ડર પર ખેડુતો રાતભર જાગતા રહ્યા હતા. આ સમય દરમિયાન સ્થાનિક લોકોએ ખેડૂતો માટે ચા બનાવી હતી.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…