જમ્મુ-કાશ્મીરના બારામુલ્લા જિલ્લામાં સુરક્ષાદળો અને આતંકવાદીઓ વચ્ચે અથડામણ ચાલી રહી છે. આ દરમિયાન સુરક્ષા દળોએ એન્કાઉન્ટર દરમિયાન 1 આતંકીને ઠાર કર્યો છે. કહેવામાં આવી રહ્યું છે કે ફાયરિંગ દરમિયાન બે જવાન પણ ઘાયલ થયા છે. સુરક્ષા દળોએ સમગ્ર વિસ્તારને ઘેરી લીધો છે. મળતી માહિતી મુજબ બંને તરફથી ગોળીબાર થઈ રહ્યો છે. બે આતંકવાદીઓ છુપાયા હોવાની માહિતી મળ્યા બાદ સુરક્ષા દળોએ મોરચો સંભાળતા ઓપરેશન શરૂ કર્યું હતું.

જમ્મુ અને કાશ્મીર પોલીસના એક અધિકારીએ જણાવ્યું કે, બારામુલ્લા જિલ્લાના કરેરી વિસ્તારના વાનીગામ બાલામાં આતંકવાદીઓની હાજરીની માહિતી મળી હતી, ત્યારબાદ સુરક્ષા દળોએ કોર્ડન કરીને સર્ચ ઓપરેશન શરૂ કર્યું હતું.

બારામુલ્લામાં એન્કાઉન્ટર દરમિયાન આતંકવાદીઓ માર્યા ગયા

જમ્મુ-કાશ્મીરના બારામુલ્લા જિલ્લામાં શનિવારે સુરક્ષા દળો સાથેની અથડામણમાં એક આતંકવાદી માર્યો ગયો છે. કહેવામાં આવી રહ્યું છે કે સર્ચ ઓપરેશન દરમિયાન ત્યાં છુપાયેલા આતંકવાદીઓએ સુરક્ષાદળો પર ગોળીબાર શરૂ કરી દીધો હતો, ત્યારબાદ સુરક્ષા દળોએ પણ જવાબી ગોળીબારમાં એક આતંકવાદીને ઠાર માર્યો હતો. મળતી માહિતી મુજબ એક સ્થાનિક અને એક પાકિસ્તાની આતંકવાદી છુપાયા હોવાના સમાચાર હતા.

બુધવારે કુલગામમાં એન્કાઉન્ટર થયું હતું

આ પહેલા બુધવારે જમ્મુ-કાશ્મીરના કુલગામ જિલ્લામાં આતંકવાદીઓ અને સુરક્ષા દળો વચ્ચે અથડામણ થઈ હતી. આ દરમિયાન સેનાનો એક જવાન ઘાયલ થયો હતો. કુલગામ એન્કાઉન્ટર દરમિયાન આતંકવાદીઓ કોઈક રીતે ભાગવામાં સફળ રહ્યા હતા. સુરક્ષા દળોને જિલ્લાના બરિહારદ કાઠપુરા વિસ્તારમાં ઘણા આતંકવાદીઓ છુપાયા હોવાની માહિતી મળી હતી, ત્યારબાદ સુરક્ષા દળોએ સર્ચ ઓપરેશન શરૂ કર્યું હતું.

આ પણ વાંચો:બુલેટ ટ્રેન પ્રોજેક્ટમાં વિલંબ, 1.6 લાખ કરોડ રૂપિયાનો અંદાજિત ખર્ચ વધશે