યુનાઇટેડ નેશન્સ જનરલ એસેમ્બલી (યુએનજીએ) નાં પ્રમુખ વોલ્કન બોજકિરે ગુરુવારે કાશ્મીર મુદ્દાને પેલેસ્ટાઇન વિવાદ સાથે સરખાવી અને કહ્યું કે, પાકિસ્તાને કાશ્મીરનો મુદ્દો સંયુક્ત રાષ્ટ્રમાં વધુ બળથી ઉઠાવવો જોઈએ. ઈસ્લામાબાદમાં પાકિસ્તાનનાં વિદેશ પ્રધાન શાહ મહમૂદ કુરેશી સાથેની બેઠક બાદ પત્રકાર પરિષદને સંબોધન કરતાં યુએનજીએ ચીફ વોલ્કન બોજકિરે કહ્યું કે, જમ્મુ-કાશ્મીર વિવાદનાં મુદ્દાને સંયુક્ત રાષ્ટ્રનાં મંચ પર વધુ મજબુતપણે લાવવો એ પાકિસ્તાનની ફરજ છે.

યાસ વાવાઝોડું / ઝારખંડમાં આઠ લાખ લોકો પ્રભાવિત, વડાપ્રધાન મોદી આજે કરશે ઓડીશા અને બંગાળનું હવાઈ નિરીક્ષણ

પાકિસ્તાની વેબસાઇટ ડોન અનુસાર, પેલેસ્ટાઇનનાં મુદ્દા સાથે કાશ્મીર મુદ્દાની તુલના કરતાં યુએનજીએ પ્રમુખ બોજકિરે કહ્યું હતું કે, કાશ્મીર વિવાદનાં સમાધાન માટે મહાન રાજકીય ઇચ્છાશક્તિનો અભાવ છે. તેમણે કહ્યું, ‘મને લાગે છે કે આ પાકિસ્તાનની વિશેષ ફરજ છે.’ તેમણે કહ્યું કે તેમને ખાતરી છે કે પેલેસ્ટાઇન મુદ્દો અને કાશ્મીર મુદ્દો એક જ સમયનો છે. તેમણે વધુમાં કહ્યું કે, મેં હંમેશાં તમામ પક્ષોને જમ્મુ-કાશ્મીરની પરિસ્થિતિ બદલવાથી દૂર રહેવાની વિનંતી કરી છે. તેમણે કહ્યું કે, સંયુક્ત રાષ્ટ્રનાં ચાર્ટર અને યુનાઈટેડ નેશન્સ સિક્યુરિટી કાઉન્સિલ (યુએનએસસી) નાં પાકિસ્તાન અને ભારત વચ્ચેનાં ઠરાવો હેઠળ, શિમલા કરારમાં સહમત થયા મુજબ સમાધાન શાંતિપૂર્ણ રીતે ઉકેલી દેવો જોઈતો હતો. આપને જણાવી દઇએ કે, બોજકીરનો પરોક્ષ રીતે ઇશારો ભારત દ્વારા ઓગસ્ટ,2019 માં જમ્મુ-કાશ્મીરને બે કેન્દ્રશાસિત પ્રદેશોમાં વહેંચવાના ભારતનાં પગલા તરફ હતો. બોજકીર બુધવારે પાકિસ્તાનનાં વિદેશ પ્રધાન શાહ મહેમૂદ કુરેશીનાં આમંત્રણ પર સત્તાવાર મુલાકાતે ઇસ્લામાબાદ પહોંચ્યા હતા.

શિખર બેઠક / ફરીથી શસ્ત્ર નિયંત્રણના કોઈ મોટા કરારમાં જોડાશે નહીં : અમેરિકાએ રશિયાને આપી માહિતી

અહીં, વિદેશ પ્રધાન કુરેશીએ કહ્યું કે, તેમણે રાષ્ટ્રપતિને કાશ્મીરની “ગંભીર પરિસ્થિતિ” વિશે માહિતગાર કર્યા હતા અને પેલેસ્ટાઇન અને કાશ્મીર મુદ્દાઓ વચ્ચે સમાનતા તરફ તેનું ધ્યાન દોર્યું હતું. તેમણે લોકોની સામાન્ય માંગણીઓ પર પ્રકાશ પાડતા કહ્યું કે, બંને મુદ્દાઓ દાયકાઓથી યુએનએસસીનાં એજન્ડા પર છે. કુરેશીએ ભારપૂર્વક કહ્યું, ‘નોંધ, આ આંતરરાષ્ટ્રીય જવાબદારીઓ છે. સંયુક્ત રાષ્ટ્રએ જવાબદારીની ભૂમિકા ભજવવી જોઈએ જે હજી બાકી છે. કાશ્મીર વિવાદ એક વાસ્તવિકતા છે અને કોઈ પણ તેને નકારી શકે છે અથવા તેને યુએનએસસીનાં એજન્ડાથી દૂર કરી શકે છે.