મનીષ નરવાલે ભારતને અપાવ્યો ચોથો મેડલ, 10 મીટર એર પિસ્તોલમાં સિલ્વર મેડલ જીત્યો

Paris Paralympics 2024: મનીષ નરવાલે પેરિસ પેરાલિમ્પિક્સ 2024માં ભારતને ચોથો મેડલ અપાવ્યો. તેણે P1 મેન્સ 10 મીટર એર પિસ્તોલ SH1 કેટેગરીમાં સિલ્વર મેડલ જીત્યો. મનીષ નરવાલે ટોક્યો પેરાલિમ્પિકમાં દેશ માટે ગોલ્ડ જીત્યો હતો. તે પેરાલિમ્પિક્સમાં 2.5 પોઈન્ટના માર્જિનથી પોતાનો બીજો ગોલ્ડ મેડલ જીતવામાં ચૂકી ગયો. દક્ષિણ કોરિયાના જો જોંગડુએ આ ઇવેન્ટનો ગોલ્ડ મેડલ જીત્યો હતો. ચીનની યાંગ ચાઓએ બ્રોન્ઝ મેડલ જીત્યો હતો.

મનીષ નરવાલે સિલ્વર મેડલ જીતતા પહેલા દક્ષિણ કોરિયાના જો જોંગડુને ટક્કર આપી હતી. 22 વર્ષીય મનીષ નરવાલ લાંબા સમયથી લીડ કરી રહ્યો હતો, પરંતુ સતત નબળા સ્કોરને કારણે તે પાછળ રહી ગયો અને દક્ષિણ કોરિયાના અનુભવી શૂટર જો જોંગડુએ આગેવાની લીધી. ભારતીય પિસ્તોલ શૂટર શિવા નરવાલના મોટા ભાઈ નરવાલે 234.9 શોટ કર્યો હતો જ્યારે જોંગડુએ 237.4ના કુલ સ્કોર સાથે ગોલ્ડ મેડલ જીત્યો હતો. ચીનની યાંગ ચાઓએ 214.3નો સ્કોર કર્યો અને બ્રોન્ઝ મેડલ જીત્યો.

SILVER 🥈 For INDIA 🇮🇳

Manish Narwal wins silver medal in the Men's 10m Air Pistol SH1 Final with a score of 234.9 🙌#Paris2024 #Cheer4Bharat #Paralympics2024 #ParaShooting @mansukhmandviya @MIB_India @PIB_India @IndiaSports @ParalympicIndia @PCI_IN_Official @Media_SAI… pic.twitter.com/tdWTGStMpA

— Doordarshan Sports (@ddsportschannel) August 30, 2024

મનીષ નરવાલ ક્વોલિફિકેશન રાઉન્ડમાં 565ના સ્કોર સાથે પાંચમા સ્થાને રહ્યો હતો. ફરીદાબાદના રહેવાસી મનીષ નરવાલે રાષ્ટ્રીય અને આંતરરાષ્ટ્રીય સ્તરની ઘણી સ્પર્ધાઓમાં મેડલ જીત્યા છે. ભારતનો રુદ્રાંશ ખંડેલવાલ આ ઈવેન્ટમાં ફાઇનલમાં જગ્યા બનાવી શક્યો ન હતો. તે 561ના સ્કોર સાથે ક્વોલિફિકેશનમાં નવમા સ્થાને રહ્યો હતો.

SH1 કેટેગરીમાં, ખેલાડીઓ કોઈપણ મુશ્કેલી વિના પિસ્તોલ ઉપાડી શકે છે અને વ્હીલચેર અથવા ખુરશી પરથી ઊભા રહીને અથવા બેસીને શૂટ કરી શકે છે. પેરિસ પેરાલિમ્પિકમાં ભારતે અત્યાર સુધીમાં 4 મેડલ જીત્યા છે. શૂટિંગમાં ત્રણ મેડલ આવ્યા છે (અવની લેખા (ગોલ્ડ મેડલ), મનીષ નરવાલ અને મોના અગ્રવાલ (બ્રોન્ઝ મેડલ) અને એક મેડલ ટ્રેક ઈવેન્ટમાં (પૂજા પાલ) આવ્યો છે.

બીજી તરફ, ભારતના અરશદ શેખ ટ્રેક સાઇકલિંગ મેન્સ પર્સ્યુટ C2 ઇવેન્ટના ક્વોલિફાઇંગ રાઉન્ડમાં છેલ્લું (નવમું) સ્થાન મેળવીને બહાર થઈ ગયા હતા. 31 વર્ષના અરશદ શેખે 4:20:949માં રેસ પૂરી કરી હતી. ટોચના ચારે ફાઇનલમાં પ્રવેશ મેળવ્યો હતો. ફ્રાન્સના એલેક્ઝાન્ડ્રે લુટ્ટે ટોચ પર છે, જ્યારે બેલ્જિયમના એડોઅર્ડ વ્રોમેન્ટ બીજા અને બ્રિટનના મેથ્યુ રોબર્ટસન ત્રીજા સ્થાને છે. શેખ હવે ટ્રેક સાયકલિંગમાં પુરુષોની 1000 મીટર ટાઈમ ટ્રાયલ સી 1.3 કેટેગરીમાં પ્રવેશ કરશે. તે રોડ સાયકલીંગમાં પણ ભાગ લેશે.