Sports News : ICC T20 વર્લ્ડ કપ 2024 શરૂ થઈ ગયો છે. આ ટુર્નામેન્ટ 2 જૂનથી 29 જૂન સુધી વેસ્ટ ઈન્ડિઝ અને અમેરિકામાં રમાઈ રહી છે. સિઝનની પાંચ મેચોનું આયોજન કરવામાં આવ્યું છે. T20 વર્લ્ડ કપ 2024ની આ મેચો ખૂબ જ રોમાંચક રહી છે. આ દરમિયાન, તે ખેલાડીએ પણ ખૂબ ધૂમ મચાવી હતી, જેને પેટ કમિન્સે IPL 2024માં સંપૂર્ણપણે અવગણી હતી. આ ખેલાડી IPLની 17મી સિઝનમાં એક પણ મેચ રમી શક્યો નથી.
ICC T20 વર્લ્ડ કપની પાંચમી મેચ 4 જૂને રમાઈ હતી. ગુયાનાના પ્રોવિડન્સ સ્ટેડિયમમાં અફઘાનિસ્તાન ક્રિકેટ ટીમનો સામનો યુગાન્ડા સામે થયો હતો.
ટોસ જીત્યા બાદ બ્રાયન મસાબાએ અફઘાન ટીમને પ્રથમ બેટિંગ માટે આમંત્રણ આપ્યું, ત્યારબાદ રાશિદ ખાને 20 ઓવરમાં 5 વિકેટના નુકસાન પર 183 રન બનાવ્યા.
જવાબમાં 23 વર્ષીય બોલર ફઝલહક ફારૂકીએ શાનદાર બોલિંગ કરીને વિરોધી ટીમ પર તબાહી મચાવી હતી.
ટૂર્નામેન્ટની પ્રથમ 5 વિકેટ ઝડપનાર આ બોલરે યુગાન્ડાની ઈનિંગ્સને 58 રનમાં સમેટવામાં મહત્વની ભૂમિકા ભજવી હતી.ફઝલહક ફારૂકીએ માત્ર 9 રનમાં પાંચ વિકેટ લીધી હતી. તમને જણાવી દઈએ કે આઈપીએલ 2024માં સનરાઈઝર્સ હૈદરાબાદના કેપ્ટન પેટ કમિન્સે ફઝલહક ફારૂકીને આખી સિઝનમાં નજરઅંદાજ કરી હતી.જોકે. ફઝલહક ફારૂકીએ અફઘાનિસ્તાન વિરુદ્ધ યુગાન્ડા મેચમાં વિસ્ફોટક પ્રદર્શન કરીને પેટ કમિન્સ સહિત સનરાઈઝર્સ હૈદરાબાદના મેનેજમેન્ટના મોઢા પર જોરદાર લપડાક મારી છે.
આ સાથે તમને જણાવી દઈએ કે ફઝલહક ફારૂકી T20 વર્લ્ડ કપમાં 5 વિકેટ લેનારો બીજો અફઘાન બોલર બની ગયો છે. તેના પહેલા મુજીબ ઉર રહેમાને ટી20 વર્લ્ડ કપ 2022માં આ સિદ્ધિ મેળવી હતી.
જો મેચની વાત કરીએ તો ટોસ હાર્યા બાદ પ્રથમ બેટિંગ કરવા આવેલી અફઘાનિસ્તાનની ટીમની શરૂઆત સારી રહી હતી. ઇબ્રાહિમ ઝદરાન અને રહેમાનુલ્લા ગુરબાઝની જોડીએ શાનદાર બેટિંગ કરી અને પ્રથમ વિકેટ માટે 154 રન બનાવ્યા.
• જો કે, બંનેના આઉટ થયા બાદ બેટમાંથી કોઈ રન ન આવ્યા અને અફઘાનિસ્તાને 20 ઓવરમાં 184 રનનો લક્ષ્યાંક આપ્યો. જવાબમાં યુગાન્ડાની ટીમ 58 રનમાં ઓલઆઉટ થઈ ગઈ હતી અને 125 રનથી મેચ હારી ગઈ હતી.
આ પણ વાંચો:પાક.ને હતો ભારતનો ડર! આ કારણે પરમાણુ નીતિ બનાવી ન શક્યું…
આ પણ વાંચો:ભારતે ઇઝરાયેલને મોકલ્યા 27 ટન વિસ્ફોટકો તો પાકને કારગિલની આવી યાદ
આ પણ વાંચો:બિડેનની યુદ્ધવિરામ સલાહથી નારાજ નેતન્યાહૂ,આપી ધમકી
