Peru: પેરુમાં ફૂટબોલ મેચનો એક ચોંકાવનારો વીડિયો સામે આવ્યો છે. મેચ દરમિયાન વીજળી પડતાં એક ફૂટબોલ ખેલાડીનું ઘટનાસ્થળે જ મોત થયું હતું. આ હૃદયદ્રાવક ઘટના બે પેરુવિયન ક્લબ જુવેન્ટુડ બેલાવિસ્ટા અને ફેમિલિયા ચોકા વચ્ચેની મેચ દરમિયાન બની હતી. આ મેચ Huancayo માં યોજાઈ હતી. વીજળી પડવાની આ ઘટનામાં ઘણા ખેલાડીઓ ઘાયલ પણ થયા છે.
સોશિયલ મીડિયા પર એક પોસ્ટ અનુસાર, રેફરીએ ભારે વરસાદને કારણે ખેલાડીઓને મેદાન છોડવા કહ્યું. ખેલાડીઓ મેદાનમાંથી બહાર નીકળી રહ્યા હતા ત્યારે વીજળી પડી અને 39 વર્ષીય ફૂટબોલ ખેલાડી જોસ હ્યુગો ડે લા ક્રુઝ મેસાનું ઘટનાસ્થળે જ મૃત્યુ થયું. આ ઘટનાનો વીડિયો વાયરલ થઈ રહ્યો છે.
In Peru, a soccer player died after being struck by lightning during a match
The tragedy occurred on November 3 during a match between clubs Juventud Bellavista and Familia Chocca, held in the Peruvian city of Huancayo.
During the game, a heavy downpour began and the referee… pic.twitter.com/yOqMUmkxaJ
— NEXTA (@nexta_tv) November 4, 2024
અન્ય એક ખેલાડીનો જીવ જોખમમાં
મેસા મૃત્યુ પામ્યા છે પરંતુ એક ખેલાડી હજુ પણ જોખમમાં છે. અહેવાલો અનુસાર, આ અકસ્માતમાં ગોલકીપર જુઆન ચોકા પણ ગંભીર રીતે દાઝી ગયા છે અને તેને ICUમાં દાખલ કરવામાં આવ્યો છે. અહેવાલો અનુસાર, અકસ્માત બાદ મેચ રદ કરવામાં આવી હતી.
પેરુ પહેલા ભારતમાં પણ આવી દુર્ઘટના બની હતી. આ વર્ષે ઝારખંડના સિમદાતામાં વીજળી પડવાથી ત્રણ હોકી ખેલાડીઓના મોત થયા હતા. આ અકસ્માતમાં અન્ય પાંચ ખેલાડીઓ દાઝી ગયા હતા. આ તમામ ખેલાડીઓ વરસાદથી બચવા માટે એક ઝાડ નીચે ઉભા હતા.
આ પણ વાંચો: બોલો! ફૂટબોલથી ક્રિકેટ રમે છે છોકરાઓ, વીડિયો જોઈ ચકિત થઈ જશો
આ પણ વાંચો: કોલકાતામાં ચાલી રહેલા વિરોધ વચ્ચે મેચ રદ થતાં ફૂટબોલ ચાહકોને મોટો જટકો
આ પણ વાંચો: શબપેટીમાં હતો મૃતદેહ પણ… પરિવારે અંતિમ સંસ્કાર અધવચ્ચે છોડીને ફૂટબોલ મેચ જોવાનું શરૂ કર્યું
