Gujarat News: ગુજરાત આજે ઓટોમોબાઇલ ક્ષેત્રે એક ઐતિહાસિક સીમાચિહ્ન હાંસલ કરવા જઈ રહ્યું છે. વડાપ્રધાન નરેન્દ્ર મોદી આજે, મંગળવારે, હાંસલપુર ખાતે મારુતિ સુઝુકીના પ્લાન્ટમાં ભારતની પ્રથમ ગ્લોબલ બેટરી ઇલેક્ટ્રિક વાહન (BEV) ‘Maruti e Vitara’નું ઉદ્ઘાટન અને ફ્લેગ-ઓફ કરશે. આની સાથે, તેઓ TDS લિથિયમ-આયન બેટરી પ્લાન્ટનું પણ ઉદ્ઘાટન કરશે, જે ટોશિબા, ડેન્સો અને સુઝુકીનો સંયુક્ત સાહસ છે. આ બે પગલાં ભારતના ઇલેક્ટ્રિક વાહન અને બેટરી ઇકોસિસ્ટમમાં 80%થી વધુ સ્થાનિક મૂલ્યવર્ધનને વેગ આપશે.
મારુતિ સુઝુકીની આ પ્રથમ ઇલેક્ટ્રિક SUV જાન્યુઆરી 2025માં ભારત મોબિલિટી ગ્લોબલ એક્સપોમાં પ્રદર્શિત થઈ હતી.આ કાર બે બેટરી પેક વિકલ્પો સાથે રજૂ કરવામાં આવી છે: 49 kWh અને 61 kWh. કંપનીનો દાવો છે કે આ કાર એકવાર ફુલ ચાર્જ થયા બાદ 500 કિલોમીટરથી વધુની રેન્જ આપશે, જે ભારતીય બજારમાં ઇલેક્ટ્રિક વાહનોની શ્રેણીમાં એક મોટું પગલું છે.
આ મોડલની અંદાજિત કિંમત 20 લાખ રૂપિયા થી શરૂ થશે. આ વેરિઅન્ટ 346 કિલોમીટરની રેન્જ આપશે.આ વેરિઅન્ટની કિંમત 25 લાખ રૂપિયા હોઈ શકે છે અને તે 428 કિલોમીટરની રેન્જ આપશે.આ ટોપ-એન્ડ મોડલની કિંમત 30 લાખ રૂપિયા હોઈ શકે છે, જે ઓલ-વ્હીલ ડ્રાઇવ સિસ્ટમ સાથે આવશે.
Maruti e Vitaraનું કોન્સેપ્ટ વર્ઝન 2023 ઓટો એક્સપોમાં પ્રદર્શિત થયું હતું, જેની ડિઝાઇન ઇન્ટરનેશનલ મોડલ સાથે સમાન હશે. આ EVમાં અદ્યતન ફીચર્સ જેવા કે ટચસ્ક્રીન ઇન્ફોટેનમેન્ટ સિસ્ટમ, એડવાન્સ ડ્રાઇવર એસિસ્ટન્સ સિસ્ટમ (ADAS), પેનોરેમિક સનરૂફ અને કનેક્ટેડ કાર ટેક્નોલોજીનો સમાવેશ થશે. આ કારનો ફ્રન્ટ લુક આકર્ષક અને આધુનિક છે, જે ગ્લોબલ SUV ટ્રેન્ડ્સને અનુરૂપ છે.
PM મોદી દ્વારા ઉદ્ઘાટન થનારો TDS લિથિયમ-આયન બેટરી પ્લાન્ટ ભારતના EV ઇકોસિસ્ટમમાં એક મહત્વપૂર્ણ પગલું છે. આ પ્લાન્ટ હાઇબ્રિડ બેટરી ઇલેક્ટ્રોડનું સ્થાનિક ઉત્પાદન કરશે, જે ભારતની બેટરી ઉત્પાદન ક્ષમતાને વધારશે. આ પ્લાન્ટ ટોશિબા, ડેન્સો અને સુઝુકીના સહયોગથી બનાવવામાં આવ્યો છે, જે ભારતના ગ્રીન એનર્જી લક્ષ્યો અને આત્મનિર્ભર ભારત અભિયાનને બળ આપશે.
2012માં ગુજરાત સરકારે 44 ગામો અને 50,884 હેક્ટરમાં માંડલ-બેચરાજી સ્પેશિયલ ઇન્વેસ્ટમેન્ટ રિજન (MBSIR)ની જાહેરાત કરી હતી. આજે MBSIR ભારતનું સૌથી મોટું ઓટોમોબાઇલ હબ બની ગયું છે, જેમાં મારુતિ સુઝુકી, હોન્ડા (ટુ-વ્હીલર્સ), ફોર્ડ, SAIC અને ટાટા મોટર્સ જેવી અગ્રણી કંપનીઓ કાર્યરત છે.
ગઈકાલે, 25 ઓગસ્ટે, PM મોદીએ અમદાવાદમાં નરોડા હરિદર્શન ચાર રસ્તાથી નિકોલ ખોડલધામ ગ્રાઉન્ડ સુધી રોડ શો કર્યો હતો. આ રોડ શો બાદ તેમણે 5,477 કરોડ રૂપિયાના વિકાસકાર્યોનું લોકાર્પણ અને ખાતમુહૂર્ત કર્યું. આ સભામાં તેમણે આત્મનિર્ભર ભારતના વિઝન પર ભાર મૂક્યો અને કહ્યું, “દુનિયામાં આર્થિક સ્વાર્થવાળી રાજનીતિ ચાલી રહી છે, પરંતુ ભારત દબાણો સહન કરવાની તાકાત વધારી રહ્યું છે.” તેમણે અમદાવાદની ધરતી પરથી ખેડૂતો, નાના દુકાનદારો અને પશુપાલકોને ખાતરી આપી કે “મોદી સરકાર તેમનું હિત સર્વોપરી રાખશે.”
આ પણ વાંચો:CCI એ મારુતિ સુઝુકીને 200 કરોડ રૂપિયાનો દંડ ફટકાર્યો, જાણો કેમ ?
આ પણ વાંચો:મારુતિ સુઝુકી ડિઝાયર અને ટાટા એસ માટે શરૂ થઇ ઇલેક્ટ્રિક કીટ
આ પણ વાંચો:નવા નિયમોથી ભાવમાં વધારો થશે, મારુતિ સુઝુકીએ આપી ચેતવણી
