અફઘાનિસ્તાન પર તાલિબાનોનાં કબ્જા બાદ અફઘાનિસ્તાન ક્રિકેટ બોર્ડમાં મોટો ફેરબદલ થયો છે. એસીબીનાં કાર્યકારી અધ્યક્ષ તરીકે અઝીઝુલ્લાહ ફઝલીની નિમણૂક કરવામાં આવી છે. તાલિબાનોએ અફઘાનિસ્તાન પર કબ્જો કર્યા બાદ રાષ્ટ્રપતિ અશરફ ગનીએ દેશ છોડી દીધો છે. આ પછી અફઘાનિસ્તાન ક્રિકેટ બોર્ડમાં અઝીઝુલ્લાહ ફઝલીની નિમણૂક એક મોટો વિકાસ છે.
આ પણ વાંચો – Political / PM મોદીએ ટ્વિટર પર ભાવનાત્મક સંદેશ લખીને UP નાં પૂર્વ CM કલ્યાણ સિંહને આપી અંતિમ વિદાય
અઝીઝુલ્લાહ ફઝલી લગભગ બે દાયકાથી અફઘાનિસ્તાન ક્રિકેટ સાથે જોડાયેલા છે. આતિફ મશાલનાં પદ પરથી રાજીનામું આપ્યા બાદ ફઝલી અગાઉ ACB નાં ચેરમેન બન્યા હતા. તેમનો કાર્યકાળ સપ્ટેમ્બર 2018 થી જુલાઈ 2019 હતો. ફરહાન યુસુફઝઇએ રાજીનામું આપ્યા બાદ ચેરમેન બન્યા છે. એસીબીએ રવિવારે ટ્વિટ કરીને કહ્યું કે, “એસીબીનાં ભૂતપૂર્વ ચેરમેન ફઝલીને બોર્ડનાં કાર્યકારી અધ્યક્ષ તરીકે ફરીથી નિયુક્ત કરવામાં આવ્યા છે. તે આગામી સ્પર્ધાઓ માટે ACB નાં નેતૃત્વ અને ક્રિયાઓની દેખરેખ રાખશે.”
Former ACB Chairman @AzizullahFazli has been re-appointed as ACB's acting Chairman. He will oversee ACB's leadership and course of action for the upcoming competitions. pic.twitter.com/IRqekHq7Jt
— Afghanistan Cricket Board (@ACBofficials) August 22, 2021
આ પણ વાંચો – Covid-19 / રાજ્યમાંથી હવે કોરોના બસ ગયો જ સમજો, છેલ્લા 24 કલાકમાં નથી નોંધાયુ એક પણ મોત
આપને જણાવી દઈએ કે, અઝીઝુલ્લાહ ફઝલી દેશમાં રમતની સ્થાપના કરનારા ખેલાડીઓનાં પ્રથમ જૂથમાંથી એક હતા. તેની રમવાની કારકિર્દીના અંત પછી, ફઝલીએ એસીબીના ઉપાધ્યક્ષ અને સલાહકાર તરીકે પણ કામ કર્યું છે. હાલમાં કાબુલ એરપોર્ટ પર કોમર્શિયલ ફ્લાઇટ્સ બંધ છે. હવે જોવાનું રહેશે કે ફાઝલીની નિમણૂક બાદ અફઘાનિસ્તાન ક્રિકેટ ટીમ શ્રીલંકાના પ્રવાસે કેવી રીતે જઈ શકે છે, જ્યાં તેમને પાકિસ્તાન સામે શ્રેણી રમવાની છે.
