એક તરફ કોરોનાનું નવું વેરિઅન્ટ ઓમિક્રોન વિશ્વ માટે ચિંતાનો વિષય બન્યુ છે. વિજ્ઞાન જગતનાં લોકો તેનો ઉકેલ શોધવામાં વ્યસ્ત છે, જેથી તે લોકો પર તેની અસરને સમજવામાં મદદ કરી શકે. વળી, ઓમિક્રોનથી સૌથી વધુ પ્રભાવિત દેશ બ્રિટનનાં એક ડૉક્ટરે બે નવા લક્ષણો શોધી કાઢ્યા છે જે કોરોના વાયરસથી સંબંધિત નથી.
આ પણ વાંચો – ગુજરાત / 8 મહાનગરોમાં રાત્રિ કરફ્યૂનો સમય લંબાવાયો, રાજ્યમાં ઓમિક્રોનની ગંભીરતા ખૂબ ઓછી : આરોગ્યમંત્રી ઋષિકેશ પટેલ
કિંગ્સ કોલેજ લંડનનાં આનુવંશિક રોગશાસ્ત્રનાં પ્રોફેસર, ટિમ સ્પેક્ટરનાં જણાવ્યા અનુસાર, “આ લક્ષણો ઉબકા અને ભૂખ ન લાગવી છે. તેમણે કહ્યું કે, એવા લોકોમાં પણ કેટલાક લક્ષણો જોવા મળ્યા છે જેમણે કોવિડની રસી અને બૂસ્ટર ડોઝ પણ મેળવ્યો છે. તેમાંથી કેટલાકને ઉબકા, હળવો તાવ, ગળામાં દુખાવો અને માથાનો દુખાવો હતો, એમ તેમણે જણાવ્યું હતું. યુનાઇટેડ સ્ટેટ્સમાં સેન્ટર્સ ફોર ડિસીઝ કંટ્રોલ (CDC) અનુસાર, ઓમિક્રોન સાથે સંકળાયેલા કેટલાક સામાન્ય લક્ષણોમાં ઉધરસ, થાક, ભીડ અને સતત નાકમાંથી નિકળતુ પાણી છે. ગયા અઠવાડિયે, સિંગલ સેલ ડાયગ્નોસ્ટિક કંપની IncellDx માટે કામ કરતા ડૉ. બ્રુસ પેટરસને દાવો કર્યો હતો કે, અગાઉનાં વેરિઅન્ટની સરખામણીમાં તેમને સ્વાદ અને ગંધમાં આટલો ફરક જોવા મળ્યો નથી. ડૉ. પેટરસને કહ્યું કે, ઓમિક્રોન પૈરૈનફ્લુએન્ઝા નામનાં વાયરસ જેવો દેખાય છે.
આ પણ વાંચો – કોરોના વિસ્ફોટ / વિશ્વભરમાં કોરોનાની સુનામી,છેલ્લા 24 કલાકમાં કોરોનાના નવા 16 લાખ કેસ નોંધાયા,અમેરિકા,યુકે,ફ્રાન્સની સ્થિતિ ભયાવહ
જણાવી દઈએ કે, 24 નવેમ્બરનાં રોજ દક્ષિણ આફ્રિકામાં કોરોનાનાં નવા વેરિઅન્ટ ઓમિક્રોનનો પહેલો કેસ સામે આવ્યો હતો, ત્યારથી તે 100થી વધુ દેશોમાં ફેલાઈ ચૂક્યો છે. તેણે ઝડપથી વિશ્વનાં ઘણા દેશોને લપેટમાં લીધા છે, જેમાંથી સૌથી વધુ અસરગ્રસ્ત દેશ બ્રિટન અને અમેરિકા છે. બન્ને દેશમાં ડેલ્યાની જગ્યાએ ઓમિક્રોન હવે Sars-CoV-2 વાયરસનું પ્રબળ સ્વરૂપ છે. યુકેમાં બુધવારે કોવિડ-19નાં દૈનિક 1,83,037 કેસ નોંધાયા હતા, જે એક દિવસમાં સૌથી વધુ છે. ઓમિક્રોન મોટા ભાગનાં યુરોપમાં ઝડપથી ફેલાઈ રહ્યો છે, આરોગ્ય પ્રણાલીને અપંગ બનાવી રહી છે.
