તેજસ્વી પ્રકાશે બિગ બોસ 15ની ટ્રોફી જીતી લીધી છે. વિજેતાની ટ્રોફીની સાથે તેજસ્વી પ્રકાશને ઈનામી રકમ તરીકે 40 લાખ રૂપિયા મળ્યા છે. આ સાથે જ તેજસ્વી પ્રકાશનાં ચાહકોએ સોશિયલ મીડિયા પર ઉજવણી શરૂ કરી છે. તો બીજ તરફ બિગ બોસનાં ફેન્સ તેજસ્વી પ્રકાશનાં વિનર બનવા પર નારાજગી વ્યક્ત કરી છે.
આ પણ વાંચો – Bigg Boss 15 Finale / તેજસ્વી પ્રકાશે બિગ બોસ 15ની ટ્રોફી જીતી ,40 લાખ રૂપિયા આપવામાં આવ્યા
આપને જણાવી દઇએ કે, તેજસ્વી પ્રકાશે ફિનાલે રેસમાં પ્રતિક સહજપાલ અને કરણ કુન્દ્રાને હરાવ્યા છે. બિગ બોસ 15ની શરૂઆતથી જ તેજસ્વી પ્રકાશે પોતાના શાનદાર રમત આયોજનથી લોકોનાં દિલ જીતી લીધા હતા. શરૂઆતથી જ, તેજસ્વી પ્રકાશે આ શો નાં દર્શકોનું ખૂબ જ મનોરંજન કરવાનો પ્રયાસ કર્યો અને આજે તેમના પ્રયત્નો ફળ્યા છે. જો કે બીજી તરફ બિગ બોસનાં ચાહકોએ આ નિર્ણય પર નારાજગી વ્યક્ત કરી છે. સોશિયલ મીડિયા પર યૂઝર્સ તેજસ્વી અને બિગ બોસ શો સામે પોતાની નારાજગી વ્યક્ત કરી રહ્યા છે. ગઈકાલે રાત્રે (રવિવાર) તેજસ્વીને શો નાં વિજેતા જાહેર થતા જ ટ્વિટર પર યુઝર્સ તરફથી તેજસ્વી વિરુદ્ધ ટિપ્પણીઓ આવવા લાગી હતી. તેજસ્વીની જીત પર ઘણા યુઝર્સ શોમાં જીતને પહેલાથી જ નિશ્ચિત ગણાવી રહ્યા છે, જ્યારે કેટલાકે પ્રતીક સહજપાલને ટ્રોફીનો યોગ્ય માલિક ગણાવ્યો છે.
આ પણ વાંચો – Bollywood / સારા-જ્હાન્વીની જેમ ભાગ્યશ્રીની દીકરી પણ પ્રકૃતિ પ્રેમી છે, બોલિવૂડમાં ડેબ્યૂ કરવા જઈ રહી છે
એક યુઝરે લખ્યું, ‘ના, તે હકદાર નથી, તે કલર્સની વહુ છે, તેથી તેને વિજેતા બનાવવામાં આવી છે.’ અન્ય એક યુઝરે લખ્યું, ‘કલર્સ હંમેશા પક્ષપાતી હોય છે, મને એ નથી સમજાતું કે જ્યારે તમારે ફક્ત તમારા કલર્સનાં લોકોને જ જીતાડવાના છે, તો તમારે ટ્રોફી સીધી તેમને કુરિયર કરવી જોઈએ, તમે શા માટે ખાલી જનતાનો સમય બગાડો છો. ઉમરને અધવચ્ચેથી નીકાળી દેવામાં આવ્યો અને હવે પ્રતિક જે વિજેતા બનવા લાયક હતો.’ એક યુઝરે લખ્યું, ‘શરમજનક અને બેકાર @itsmetejasswi vamp BB15ની વિજેતા બની.’
