T20 ક્રિકેટ ચોક્કસપણે રમતનું સૌથી લોકપ્રિય ફોર્મેટ બની ગયું છે. રમતનું આ ફોર્મેટ દર્શકોનાં સંપૂર્ણ મનોરંજન માટે જાણીતું છે કારણ કે મેચો રોમાંચથી ભરેલી હોય છે અને ચોક્કા અને છક્કાનો વરસાદ હંમેશા જોવા મળે છે. વિશ્વભરમાં રમાતી તમામ T20 લીગએ આ ફોર્મેટને વધુ લોકપ્રિય બનાવ્યું છે અને આ ફોર્મેટને 2021માં ખૂબ ચર્ચા મળી હતી.

આ પણ વાંચો – Cricket / BBL માં કોરોનાનો વિસ્ફોટ, મેલબોર્ન સ્ટાર્સ અને સિડની થંડરનાં 19 સભ્યો કોરોના પોઝિટિવ

ભારત માટે આ વર્ષ આ ફોર્મેટમાં નિરાશાજનક રહ્યું કારણ કે, ટીમ T20 વર્લ્ડકપમાં સારું પ્રદર્શન કરી શકી ન હોતી. જોકે, ટીમે દ્વિપક્ષીય સીરીઝમાં ખૂબ જ સારું પ્રદર્શન કર્યુ હતું. 2021માં, ભારતે 16 T20I મેચ રમી, જેમાં તેણે 10 મેચ જીતી અને 6 મેચમાં હાર મળી. 2021માં ભારત માટે ઘણા એવા બેટ્સમેન હતા, જેમણે ધમાકેદાર બેટિંગ કરી અને ટીમ માટે સૌથી વધુ રન બનાવનારા ખેલાડીઓની યાદીમાં સામેલ થયા. આ કડીમાં, અમે એવા 3 બેટ્સમેનોનો ઉલ્લેખ કરવા જઈ રહ્યા છીએ જેમણે 2021માં ભારત માટે સૌથી વધુ T20I રન બનાવ્યા હતા.

2021માં T20I માં ભારત માટે સૌથી વધુ રન બનાવનાર 3 બેટ્સમેન

રોહિત શર્મા (424)

આ યાદીમાં ટોચ પર ભારતનાં ઓપનર અને મર્યાદિત ઓવરનાં કેપ્ટન રોહિત શર્મા છે, જેની ગણતરી હવે વિશ્વનાં શ્રેષ્ઠ બેટ્સમેનોમાં થઈ રહી છે. રોહિત બેટિંગ દ્વારા ભારતને શાનદાર શરૂઆત અપાવી રહ્યો છે અને તેણે ઘણી મેચો એકલા હાથે જીતાડી પણ છે. રોહિત શર્માએ 2021માં 11 મેચોમાં 38.54ની એવરેજ અને 150.88નાં જબરદસ્ત સ્ટ્રાઈક રેટથી 424 રન બનાવ્યા છે. તેના નામે 5 અડધી સદી હતી અને તેનો સર્વોચ્ચ સ્કોર 74 રન હતો.

વિરાટ કોહલી (299)

ભારતનાં ભૂતપૂર્વ લિમિટેડ ઓવરનાં સુકાની વિરાટ કોહલી કે જેના વિશે વાત કરવામાં આવી રહી છે તે આ યાદીમાં બીજા સ્થાને પહોંચી ગયો છે. તે આ પ્રકારનો બેટ્સમેન છે જેણે રમતનાં ત્રણેય ફોર્મેટમાં સતત સારું પ્રદર્શન કર્યું છે અને 2021 માટે તેના T20I આંકડાઓ પણ તે જ દર્શાવે છે. વિરાટ કોહલીએ 2021માં રમાયેલી 10 મેચની 8 ઈનિંગમાં 74.75ની એવરેજ અને 132.88ની સ્ટ્રાઈક રેટથી 299 રન બનાવ્યા હતા. આ દરમ્યાન તેણે 4 અડધી સદી ફટકારી હતી અને તેનો સર્વોચ્ચ સ્કોર અણનમ 80 રન હતો. T20 વર્લ્ડકપ 2021 બાદ વિરાટ કોહલીએ સ્વેચ્છાએ ભારતીય ટીમની કેપ્ટનશીપ છોડી દીધી હતી.

કેએલ રાહુલ (289)

આ યાદીમાં ત્રીજા સ્થાને ભારતનાં સ્ટાઇલિશ બેટ્સમેન કેએલ રાહુલ છે, જેણે 2021માં ભારત માટે 11 T20I મેચમાં 289 રન બનાવ્યા હતા. આ દરમ્યાન તેની એવરેજ 28.90 અને સ્ટ્રાઈક રેટ 130.76 હતી અને આ દરમિયાન 4 અડધી સદી પણ સામેલ હતી.