વડોદરામાં ઉદ્યોગપતિ પિતા-પુત્રએ આપઘાત કરી લેતાં ચકચાર મચી છે. મકરપુરા રેલવે સ્ટેશન નજીક ફેક્ટરીના માલિક દિલીપ દલાલ અને તેમના પુત્રએ ટ્રેન નીચે પડતું મૂકી આપઘાત કરી લીધો છે.આ મૃતક પિતા-પુત્ર અલકાપુરીની સુવર્ણપુરી સોસાયટીના રહેવાસી હતા. ઘટનાની જાણ થતાં જ પોલીસ બનાવ સ્થળે પહોંચી હતી અને બંને પિતા-પુત્રએ કયા કારણોસર આપઘાત કર્યો તે દિશામાં વધુ તપાસ હાથ ધરી હતી.
આ પણ વાંચો :કોરોનાના લીધે સોમનાથમાં કાર્તિકી પૂનમનો મેળો રદ કરવાનો નિર્ણય લેવાયો
ઉદ્યોગપતિ પિતા-પુત્રએ કર્યો આપઘાત
આપને જણાવી દઈએ કે,વડોદરાના અલકાપુરી વિસ્તારમાં આવેલી સુવર્ણપુરી સોસાયટીમાં રહેતા 73 વર્ષીય ફેકટરીના માલિક દિલીપ વિમલભાઇ દલાલ અને તેમના 43 વર્ષીય પુત્ર રસેસ દિલીપભાઇ દલાલે મંગળવારના સાંજે 7 વાગ્યે પિતા-પુત્રએ ટ્રેન નીચે પડતું મૂકીને આપઘાત કર્યો હતો. જેઓના રેલવે ફાટક પાસેથી મૃતદેહ મળી આવ્યાં હતાં. આ ઘટનાની જાણ થતા જ PSI બી.એમ. લબાના અને હેડ કોન્સ્ટેબલ ઘટનાસ્થળે પહોંચી ગયા હતાં અને આ મામલે વધુ કાર્યવાહી હાથ ધરી હતી.
ઉદ્યોગપતિ દિલીપભાઇનો પુત્ર રસેશ અપરિણીત હતો અને માનસિક બીમાર હતો. મંગળવારે સાંજે સાત વાગ્યે મારેઠા રેલવે-ફાટક પાસે ટ્રેન નીચે પડતું મૂકી બંનેએ આપઘાત કર્યો હતો. ઘરેથી ટિકિટ લેવા જવાનું કહીને નીકળ્યા હોવાનું પણ જાણવા મળ્યું છે. પિતા-પુત્રના મોતથી પરિવાર શોકમાં ગરકાવ થઇ ગયો છે.
રેલવે પોલીસે ઘટના સ્થળે પહોંચીને વધુ કાર્યવાહી હાથ ધરી હતી. પોલીસે મૃતદેહોને પોસ્ટમોર્ટમ માટે સયાજી હોસ્પિટલમાં મોકલી આપ્યા હતા અને આ મામલે વધુ તપાસ હાથ ધરી છે. પિતા અને પુત્રએ કયા કારણોસર આત્મહત્યા કરી તે હાલ અકબંધ છે. પરંતુ પ્રાથમિક અનુમાન મુજબ આર્થિક ભીંસમાં પિતા-પુત્રએ આ પગલું ભર્યાનું અનુમાન છે.
આ પણ વાંચો :મહિલા સાથે સંબંધ બાંધી ધમકી આપનાર વકીલ મુશ્કેલીમાં, કરાઈ ધરપકડ
પિતા પુત્રએ સામૂહિક આત્મહત્યા કરી લેતા લોકો વિચારમાં મુકાઈ ગયા છે. કારણકે હજુ પણ આ મામલે કોઈ કોઈ માહિતી સામે નથી આવી . એવી માહિતી પણ સામે આવી છે કે પુત્ર માનસિક રીતે બિમાર હતો. સમગ્ર મામલે પિતા પુત્રએ આત્મહત્યા શા માટે કરી તે પોલીસ માટે પણ તપાસનો વિષય બન્યો છે.
આ પણ વાંચો : કપડવંજ નડિયાદ હાઇવે પર બે ટ્રક વચ્ચે અકસ્માત, એકનું ઘટના સ્થળે જ મોત
આ પણ વાંચો :ભાજપના પ્રદેશ મંત્રી દ્વારા યાત્રાધામ દ્વારકા જગત મંદિરમાં ધજા ચઢાવવામાં આવી તે પણ કેસરી
આ પણ વાંચો : ગોધરાના ભેજાબાજની જાસૂસીના આરોપમાં ધરપકડથી જબરદસ્ત સન્નાટો..!!
