ભારતીય મૂળના અમેરિકન નીરજ અંતાણીએ ઓહિયોના યુએસ સેનેટર તરીકે શપથ લીધા હતા. આ સાથે, તે રાજ્યની સેનેટનો ભાગ બનનારો ભારતીય મૂળનો પ્રથમ અમેરિકન બન્યો. ઓહિયો સેનેટ માટે ચૂંટાયેલા અંતાણી (29) એ સોમવારે શપથ લીધા હતા.

શપથ લીધા બાદ અંતાણીએ કહ્યું કે મને ખુશી છે કે હું સમુદાયનું પ્રતિનિધિત્વ કરી શક્યો. સેનેટર તરીકે અંતાણીનો કાર્યકાળ ચાર વર્ષનો રહેશે. અંતાણીએ કહ્યું કે હું ઓહિયોના લોકો માટે દરરોજ સખત મહેનત કરીશ જેથી તેઓને તેમના સપના પૂરા કરવાની તક મળે.

Truly honored to have been officially sworn-in as State Senator today! As I became the first Indian-American State Senator in Ohio history today, I vow to work hard every day so each Ohio can achieve their American Dream. pic.twitter.com/2AuL3Go3HI

— Niraj Antani (@NirajAntani) January 4, 2021

અંતાણીએ વધુમાં જણાવ્યું હતું કે આ અનિશ્ચિત અર્થવ્યવસ્થા અને સ્વાસ્થ્ય પડકારોની વચ્ચે આપણે નિશ્ચિતપણે એવી નીતિઓ લાગુ કરવાની જરૂર છે જે ઓહિયોના લોકોને ફાયદો પહોંચાડે. આ પહેલા, અંતાણી 2014 થી 42મા ઓહિયો હાઉસ ડિસ્ટ્રિક્ટ માટે રાજ્યના પ્રતિનિધિ તરીકે કામ કરી ચૂક્યા છે. ઓહિયો સ્ટેટ હાઉસ ઓફ રિપ્રેઝન્ટેટિવ્સનું પ્રતિનિધિત્વ કરનારો તે સૌથી યુવા સભ્ય રહ્યો છે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…