બ્રિટિશ કાર નિર્માતા MINI ટૂંક સમયમાં તેની નવી ઇલેક્ટ્રિક કાર લોન્ચ કરવા જઈ રહી છે. MINI કૂપરે તેની નવી ઇલેક્ટ્રિક કારનું ટીઝર રિલીઝ કર્યું છે. MINI ઈન્ડિયાએ તેના ટ્વિટર પ્લેટફોર્મ પર નવી કારનું ટીઝર રિલીઝ કર્યું છે. ટીઝર રીલિઝ કરતી વખતે લખવામાં આવ્યું છે – ભવિષ્ય અહીં છે. તમે તૈયાર છો? કંપનીએ તેની વેબસાઈટ પર પણ લખ્યું છે – જલ્દી આવી રહ્યું છે!
જ્યારથી આ ટીઝરને ભારતીય મીડિયા પ્લેટફોર્મ પર રિલીઝ કરવામાં આવ્યો છે, ત્યારથી અનુમાન લગાવવામાં આવી રહ્યું છે કે MINI કંપની તેની નવી કાર MINI Cooper SE ઈલેક્ટ્રિક કારને ભારતમાં ટૂંક સમયમાં લૉન્ચ કરશે. એવું કહેવામાં આવી રહ્યું છે કે મિની કૂપર ઇલેક્ટ્રિક ભારતમાં 2021ના અંત સુધીમાં લોન્ચ થઈ શકે છે.
MINIની આ નવી કાર કંપનીની પ્રખ્યાત MINI કૂપર જેવી છે. તેનો લુક પણ મિની કૂપર જેવો જ છે.
નિષ્ણાતોનું કહેવું છે કે આ કાર 32.6kWh બેટરીથી સજ્જ છે. તેમાં લાગેલી મોટર 184 PS પાવર અને 270 Nm ટોર્ક જનરેટ કરે છે. સિંગલ ચાર્જ પર તેની રેન્જ 235-270 કિમી જણાવવામાં આવી રહી છે. આ ઈલેક્ટ્રિક હેચબેક કારને 0 થી 60 kmphની સ્પીડ પકડવામાં 3.9 સેકન્ડ લાગે છે.
મીની કૂપર
બેટરીના ચાર્જિંગ સમય વિશે વાત કરીએ તો, મિની કૂપર ઇલેક્ટ્રિકને 11kW ચાર્જર સાથે 0 થી 80 ટકા સુધી ચાર્જ કરવામાં અઢી કલાક લાગે છે. તેને 50 kW ના DC ફાસ્ટ ચાર્જર વડે 35 મિનિટમાં 0 થી 80 ટકા સુધી ચાર્જ કરી શકાય છે.
Get set for the legendary go-kart feeling with instant torque and zero emissions.#TheFirstAllElectricMINI #ChargedWithPassion #MINIIndia #ElectricVehicle #EV #ElectricAutomobile #GoElectric #MINIElectric⚡️#BIGLOVE #MINILife #MINIGoesElectric #ElectricCar #ElectricTomorrow pic.twitter.com/hFf0mN7rWv
— MINI INDIA (@MINIOfficial_IN) October 25, 2021
ડ્યુઅલ ટોન બોડી સાથે કારમાં ફોક્સ ગ્રિલ આપવામાં આવી છે. આમાં આગળની ગ્રિલની જગ્યાએ સ્મૂધ પેનલ લગાવવામાં આવી છે. તેની પાછળની ડિઝાઇન પણ મિની કૂપર જેવી જ છે. કારના પાછળના ભાગમાં બ્રિટિશ યુનિયન જેક ડિઝાઇન ટેલલેમ્પ આપવામાં આવ્યા છે.
MINI Cooper SE ઇલેક્ટ્રિક કારને ફોક્સ ગ્રિલ, સંકલિત DRLs સાથે અનુકૂલનશીલ LED હેડલાઇટ્સ અને એક નાનો એર ડેમ મળે છે. કારમાં 17 ઈંચના એલોય વ્હીલ્સ આપવામાં આવ્યા છે.
કારની કિંમત વિશે કોઈ ખુલાસો કરવામાં આવ્યો નથી, પરંતુ બજારના નિષ્ણાતો મિની કૂપર ઈલેક્ટ્રિકની કિંમત 50 લાખ રૂપિયાની આસપાસ હોવાનું માની રહ્યા છે.
