પોલીસે 16 વર્ષની બાળકી પર બળાત્કાર ગુજારવાનો અને તેને ધમકી આપવાના આરોપમાં આરોપીની ધરપકડ કરી છે. તેની સામે પોક્સો એક્ટમાં કેસ નોંધવામાં આવ્યો છે. મળતી માહિતી મુજબ ધરપકડ કરાયેલા આરોપી મોહમ્મદ ફિરોઝ બિહારના મધેપુરાના ફોરફના ગામનો રહેવાસી છે.
પીડિત યુવતીનો પરિવાર પણ એક પરપ્રાંતિય છે અને પરિવારમાં માતા અને પુત્રી બંને મજુરી કરીને પોતાનું ગુજરાન ચલાવે છે. જ્યારે, 10 વર્ષ પહેલા યુવતીના પિતા બીજા ગામ ચાલ્યા ગયા હતા. પીડિતા અને તેની માતા ઝૂંપડીમાં રહે છે.
યુવતીની માતાએ જણાવ્યું કે શનિવારે રાત્રે અચાનક જ તેણે જોયું કે કોન્ટ્રાક્ટર મોહમ્મદ ફિરોઝ તેની પુત્રી સાથે બળાત્કાર ગુજારી રહ્યો હતો. આ જોઈને તેણે અવાજ કર્યો અને તે સ્થળ પરથી ફરાર થઈ ગયો. માતા આ બધું જ જોઇ ગઇ, પુત્રીને પૂછતાં પુત્રીએ કહ્યું કે આરોપી કોન્ટ્રાક્ટર મોહમ્મદ ફિરોઝ છેલ્લા બે મહિનાથી તેને ધમકી આપી રહ્યો હતો અને ડરાવી-ધમકાવીને બળાત્કાર ગુજારતો હતો.
14 વર્ષના સગીર છોકરાએ 2 અઠવાડિયાની અંદર પાંચ મહિલાઓ સાથે કર્યો બળાત્કાર, આવી રીતે થયો ખુલાસો
યુવતીની માતાએ આરોપી કોન્ટ્રાક્ટર મોહમ્મદ ફિરોઝ વિરુદ્ધ ખારાર પોલીસ સ્ટેશનમાં ફરિયાદ નોંધાવી હતી. કાર્યવાહી કરતી વખતે પોલીસે આરોપી મોહમ્મદ ફિરોઝની ધરપકડ કરી હતી અને તેની સામે આઈપીસીની કલમ 376 અને પોક્સો એક્ટ હેઠળ ગુનો નોંધ્યો હતો. જ્યારે પીડિતા ખારની સરકારી હોસ્પિટલમાં સારવાર લઇ રહી હતી તે દરમિયાન તપાસ કરતા જાણવા મળ્યું હતું કે તે બે મહિનાની ગર્ભવતી છે. પોલીસ મંગળવારે આરોપીઓને કોર્ટમાં રજૂ કરશે.
