ભારતીય અવકાશ સંશોધન સંસ્થા (ઈસરો) દેશનો પ્રથમ પૃથ્વી નિરીક્ષણ ઉપગ્રહ લોન્ચ કરવા જઈ રહી છે. દેશની આઝાદીનાં ત્રણ દિવસ પહેલા ઇસરો ઉપગ્રહ GSLV-F10/EOS-03 લોન્ચ કરશે. તેને શ્રીહરિકોટાનાં સતીશ ધવન સ્પેસ સેન્ટરથી લોન્ચ કરવામાં આવશે. આ ઉપગ્રહ 12 ઓગસ્ટે સવારે 5.43 વાગ્યે લોન્ચ કરવામાં આવશે. પરંતુ આ મિશનના લોન્ચિંગની તૈયારી આજે સવારે 3.43 વાગ્યે કરવામાં આવી છે. ઈસરો બીજા તબક્કા માટે GSLV-F10 માં પ્રોપેલેન્ટ ભરવાની પ્રક્રિયા પણ શરૂ કરી દેવામાં આવી છે. આ ઉપગ્રહ દ્વારા ભારત હવામાન સંબંધી માહિતી મેળવી શકશે.
આ પણ વાંચો – OMG! / ગુજરાતના આ મંદિર જ્યાં પ્રાચીન કાળી માટીના માટલાંમાં 600 વર્ષથી એવુંને એવું ઘી સચવાયેલું છે, દુર્ગંધ કે જીવાત પણ પડતી નથી
આ ઉપગ્રહનાં સફળ પ્રક્ષેપણથી ભારતની અવકાશ શક્તિ વધશે, સાથે સાથે તે ભારતીય ઉપખંડમાં પૂર, ચક્રવાત જેવી કુદરતી આફતો પર પણ નજર રાખવામાં મદદ કરશે. EOS-03 ને GSLV F10 રોકેટ દ્વારા અવકાશમાં મૂકવામાં આવશે. આ ઉપગ્રહ વાસ્તવિક સમયની તસવીરો મોકલશે, જે પૃથ્વી પરની કુદરતી આપત્તિ પર નજર રાખવા માટે મદદ કરશે. આમાંથી માત્ર કૃષિ જ નહીં પણ વનીકરણ, ખનીજ, વિજ્ઞાન વગેરે સંબંધિત માહિતી મેળવી શકાય છે. નોંધનીય છે કે 28 ફેબ્રુઆરીનાં રોજ ઇસરોએ આ વર્ષનાં પ્રથમ સફળ મિશનની શરૂઆત કરી હતી. ઈસરો એ ટ્વીટ કરીને કાઉન્ટડાઉન શરૂ થવાની જાણકારી આપી છે. તેમાં લખ્યું હતું કે, “શ્રીહરિકોટાનાં સતીશ ધવન સ્પેસ સેન્ટર (SDSC) SHAR ખાતે આજે જિયોસિંક્રોનસ સેટેલાઇટ લોન્ચ વ્હીકલ- F10 EOS-03 નાં લોન્ચિંગ માટે કાઉન્ટડાઉન શરૂ થયું છે.” ઈસરો એ કહ્યું કે, લોન્ચિંગ 12 ઓગસ્ટનાં રોજ સવારે 5:43 વાગ્યે કરવામાં આવશે. જો કે, તે હવામાનની સ્થિતિ પર નિર્ભર રહેશે.
Filling of propellant for the second stage (GS2) of GSLV-F10 has commenced: Indian Space Research Organisation pic.twitter.com/hrVvtNWRGh
— ANI (@ANI) August 11, 2021
આ પણ વાંચો – અર્પણ સમારોહ / હરિપ્રસાદ સ્વામીના અસ્થિ કુંભની આજે રાજકોટ પધરામણી, ભક્તોને મળશે દર્શનનો લાભ
તેનાથી ભારતને ઘણો ફાયદો થશે. જીએસએલવી ફ્લાઇટ 4 મીટર વ્યાસ-ઓગિવ સાઇઝનાં પેલોડ ફેરીંગમાં ઉપગ્રહને લઇ જવાની જાણ કરવામાં આવી છે, જે રોકેટ પર પ્રથમ વખત ઉડાન ભરી રહી છે જેણે અત્યાર સુધીમાં 13 અન્ય ફ્લાઇટ્સનું સંચાલન કર્યું છે જે અંતરિક્ષમાં ઉપગ્રહ અને ભાગીદાર મિશનને સંચાલિત કરે છે. એવું કહેવામાં આવી રહ્યું છે કે, GSLV ઉડાન ઉપગ્રહ એક દિવસમાં ચાર-પાંચ વખત સમગ્ર દેશની તસવીરો લેશે, જે હવામાન અને પર્યાવરણીય પરિવર્તનને લગતા મુખ્ય ડેટા મોકલશે. એટલું જ નહીં, આ EOS-03 ઉપગ્રહ ભારતીય ઉપખંડમાં પૂર અને ચક્રવાત જેવી કુદરતી આફતોની વાસ્તવિક સમયની દેખરેખ માટે સક્ષમ હશે કારણ કે તેમાં મોટા પર્યાવરણીય અને હવામાનમાં ફેરફાર થાય છે.
