ચૂંટણી પંચ આગામી થોડા દિવસોમાં રાષ્ટ્રપતિની ચૂંટણીની જાહેરાત કરી શકે છે. વર્તમાન રાષ્ટ્રપતિ રામનાથ કોવિંદનો કાર્યકાળ 24 જુલાઈએ પૂરો થઈ રહ્યો છે. બંધારણની કલમ 62 મુજબ વર્તમાન રાષ્ટ્રપતિનો કાર્યકાળ નવા રાષ્ટ્રપતિની ચૂંટણી પહેલા સમાપ્ત થવો જોઈએ.

રાષ્ટ્રપતિની ચૂંટણી અને મત

સંસદના બંને ગૃહોના સભ્યો તેમજ તમામ રાજ્યો, રાષ્ટ્રીય રાજધાની પ્રદેશ દિલ્હી અને કેન્દ્રશાસિત પ્રદેશ પુડુચેરીની વિધાનસભાના ચૂંટાયેલા સભ્યો રાષ્ટ્રપતિની ચૂંટણી માટે મતદાન કરી શકે છે. જો કે, રાજ્યસભા, લોકસભા અથવા વિધાનસભાના નામાંકિત સભ્યો રાષ્ટ્રપતિની ચૂંટણીમાં મત આપવા માટે હકદાર નથી. તેવી જ રીતે, રાજ્યોની વિધાન પરિષદોના સભ્યોને પણ રાષ્ટ્રપતિની ચૂંટણીમાં ભાગ લેવાનો અધિકાર નથી.

ભૂતકાળની રાષ્ટ્રપતિની ચૂંટણી

અગાઉ, 17 જુલાઈ 2017 ના રોજ રાષ્ટ્રપતિની ચૂંટણી માટે મતદાન કરવામાં આવ્યું હતું અને 20 જુલાઈના રોજ મતોની ગણતરી કરવામાં આવી હતી અને રામ નાથ કોવિંદ રાષ્ટ્રપતિ તરીકે ચૂંટાયા હતા. તેમણે 25 જુલાઈ 2017ના રોજ તેમનો કાર્યભાર સંભાળ્યો હતો. તેઓ દેશના 14મા રાષ્ટ્રપતિ તરીકે ચૂંટાયા છે.

રાષ્ટ્રપતિની ચૂંટણી અને ઇલેક્ટોરલ કૉલેજ

રાષ્ટ્રપતિની ચૂંટણીમાં વોટ આપનાર ઈલેક્ટોરલ કોલેજને પણ મહત્વની ગણવામાં આવે છે. રાજકીય જોડાણો કોંગ્રેસની આગેવાની હેઠળના યુપીએ ગઠબંધન પાસે ઈલેક્ટોરલ કોલેજમાં લગભગ 23 ટકા વોટ છે. બીજી તરફ સત્તારૂઢ ભાજપની આગેવાની હેઠળના એનડીએ ગઠબંધન પાસે લગભગ 49 ટકા વોટ છે.

આ પણ વાંચો:PM મોદીના આગમન પહેલા ગુજરાતમાં આતંકી હુમલાની ધમકી, પોલીસ એલર્ટ મોડમાં