Rajkot News: ધાનેરાના કુવરલા ગામમાં એક હડકાયા શ્વાને આખા ગામને બાનમાં લીધું હતું. તેના કારણે સ્થિતિ એવી આવી ગઈ હતી કે ગામલોકોએ ઘરની બહાર નીકળવા માટે વિચારવું પડતું હતું. આ હડકાયા કૂતરાએ આમ આખા ગામમાં આતંક મચાવી દીધો હતો. બાળકથી લઈને વૃદ્ધ સુધીના બધાને તે કરડ્યો હતો.
હડકાયા શ્વાન
ધાનેરાના કુવરલામાં એક હડકાયા શ્વાને 15 લોકોને માથા અને આંખો પર કરડ્યો, જેના કારણે તેઓ ગંભીર રીતે ઘાયલ થયા. ત્રણ વર્ષની છોકરીથી લઈને 80 વર્ષના વૃદ્ધ પુરુષ સુધી બધાને હડકાયેલું શ્વાન કરડ્યુ હતું. બાજુના ગામ સુરવા સુધી પહોંચ્યું.
સોમવારે સાંજે 7 વાગ્યે, કુવરલા ગામના ઠાકોર વાસમાં રહેતી ત્રણ વર્ષની બાળકીને હડકાયા શ્વાને સૌથી પહેલા નિશાન બનાવી, તેને આંખો અને માથા પર શ્વાને બચકા ભર્યા. તેના કારણે ગભરાયેલા પરિવારે તાત્કાલિક છોકરીને દિશા સિવિલ હોસ્પિટલ અને પછી પાટણ ધારપુર મેડિકલ કોલેજમાં વધુ સારવાર માટે લઈ ગયા, જ્યાં તેની સારવાર કરવામાં આવી અને તેને બચાવી લેવામાં આવી.
શ્વાન ખેતરોમાં ફરતો રહ્યો, ખેતરોની સંભાળ રાખતા લોકોને કરડ્યો. શ્વાને એકને માથા પર, બીજાને આંખ પર અને બીજાને પગ પર કરડ્યો, જેનાથી તેઓ ઘાયલ થયા. છેવટે આ હડકાયેલા કૂતરાને મારી નાખવામાં આવ્યો હતો.
ગામમાં એક પછી એક કુલ 15 લોકોને હડકાયેલા કૂતરાના કરડવાથી ઇજા થઈ. તે બધાને સારવાર માટે મોકલવા પડ્યા. જોકે, સારવાર બાદ તેઓ બધા સ્વસ્થ થઈ ગયા છે. કુવરલા પીએચસીના મેડિકલ ઓફિસર ડૉ. ઈશ્વરે જણાવ્યું હતું કે, “સોમવાર સવારથી કેટલાક દર્દીઓ પીએસસીમાં આવી રહ્યા છે. જે લોકો ગંભીર રીતે ઘાયલ થયા હતા તેમને જિલ્લા હોસ્પિટલમાં મોકલવામાં આવ્યા હતા.”
આ પણ વાંચો: સુરતમાં પહેલાં રખડતા ઢોર અને હવે કૂતરાંઓનો આતંક, 4 થી વધુ લોકો ઘાયલ
આ પણ વાંચો: ખોખરામાં એક જ સોસાયટીમાં 5 લોકોને કડ્યું શ્વાન, શું છે હિંસક બનવાનું કારણ
આ પણ વાંચો: રાજકોટમાં જેતપુરમાં રખડતા શ્વાનનો આતંક યથાવત, 5 વર્ષના બાળકને ભર્યા બચકા
