Rabri Devi Ten Circular Road Patna Bihar: પટનાના 10 સર્ક્યુલર રોડ સરકારી આવાસ ખાલી કરવાના આદેશને લઈને શરૂ થયેલો વિવાદ હવે બિહારના રાજકારણનો સૌથી મોટો મુદ્દો બની ગયો છે. પૂર્વ મુખ્યમંત્રી રાબડી દેવીએ(Rabri Devi) સરકારી બંગલો ખાલી કરવાનો સ્પષ્ટ ઇનકાર કરીને મુખ્યમંત્રી સમ્રાટ ચૌધરીને ‘પોલીસ ફોર્સ બોલાવવાની’ ખુલ્લી પડકાર ફેંકી છે. આ હાઈ-પ્રોફાઈલ ટકરાવ બાદ હવે સવાલ ઉઠી રહ્યો છે કે જો રાબડી દેવી સ્વેચ્છાએ બંગલો ખાલી નહીં કરે, તો રાજ્ય સરકાર પાસે કયા કાનૂની અને રાજકીય વિકલ્પો બચ્યા છે.
‘બિહાર સરકારી પરિસર (બેદખલી) અધિનિયમ’
નિયમો અનુસાર, સત્તા પરિવર્તન અથવા નવા એલોટમેન્ટની સ્થિતિમાં સરકારી આવાસ ખાલી કરાવવો એ એક નિયમિત વહીવટી પ્રક્રિયા છે. જો કોઈ પણ વ્યક્તિ નિર્ધારિત સમય મર્યાદા બાદ આવાસ ખાલી ન કરે, તો ભવન નિર્માણ વિભાગ ‘બિહાર પબ્લિક પ્રેમાઇસીસ ઇવિક્શન એક્ટ’ હેઠળ કડક કાર્યવાહી કરી શકે છે:
કારણ બતાવો નોટિસ: અનધિકૃત કબજો જમાવનાર વ્યક્તિને વિભાગ તરફથી અંતિમ કારણ બતાવો નોટિસ આપીને પૂછવામાં આવે છે કે તેમને કેમ બેદખલ ન કરવા.
બળપૂર્વક બેદખલી અને દંડ: જો નોટિસનો જવાબ સંતોષકારક ન મળે, તો સક્ષમ સત્તાધિકારી જિલ્લા વહીવટીતંત્ર અને મેજિસ્ટ્રેટની મદદથી બંગલો બળપૂર્વક ખાલી કરાવી શકે છે. આ સાથે જ, અનધિકૃત રીતે રહેવાના ગાળા માટે ભારે બજાર મૂલ્ય મુજબ દંડ (ડેમેજ રેન્ટ) પણ વસૂલવામાં આવી શકે છે.
સહાનુભૂતિ કાર્ડ વિરૂદ્ધ આક્રમક વલણ (Rabri Devi)
કાનૂની રસ્તા સિવાય સમ્રાટ ચૌધરી સરકારે આના રાજકીય નફા-નુકસાનને પણ તોલવું પડશે. રાષ્ટ્રીય જનતા દળ (RJD) આ મુદ્દાને ‘લાલુ પરિવારની હેરાનગતિ’ તરીકે દર્શાવીને જનતા વચ્ચે સહાનુભૂતિ મેળવવાનો પ્રયાસ કરશે. જો સરકાર(Rabri Devi) તાત્કાલિક પોલીસ મોકલે તો વિપક્ષને મોટો મુદ્દો મળી શકે છે, તેથી સરકાર કૂટનીતિથી કામ લઈને અન્ય આવાસની ઓફર કરી શકે છે. બીજી તરફ, સમ્રાટ ચૌધરીની છબી કડક નિર્ણયો લેનારા નેતાની હોવાથી, કાયદાનું પાલન કરાવીને ‘કાયદા સામે કોઈ પણ પરિવાર વિશેષ નથી’ તેવો મજબૂત સંદેશો આપવાનો આક્રમક વિકલ્પ પણ સરકાર પાસે છે. આ મામલે આરજેડી કોર્ટમાંથી સ્ટે ઓર્ડર મેળવવાનો પ્રયાસ પણ કરી શકે છે.
આ પણ વાંચો:દિલ્હીમાં બ્લાસ્ટ, બિહાર ચૂંટણીમાં વ્યસ્તતા પર પપ્પુ યાદવે મોદી-શાહના રાજીનામાની માંગ કરી
આ પણ વાંચો:2025ની બિહાર ચૂંટણીમાં રેકોર્ડ સર્જાયો, 11 મુદ્દાઓમાં પ્રથમ બેઠકોની માહિતી…..
