દેશમાં ઘરેલુ બિન-સિલિન્ડરની કિંમતમાં ફરી એકવાર વધારો કરવામાં આવ્યો છે. સબસિડી વગરનાં સિલિન્ડર પર 25 રૂપિયાનો વધારો કરવામાં આવ્યો છે. એલપીજી સિલિન્ડરનાં ભાવમાં વધારાને સામાન્ય માણસ પર વધારાનો બોજ ગણાવતા કોંગ્રેસનાં સાંસદ રાહુલ ગાંધીએ કેન્દ્રની એનડીએ સરકાર અને વડાપ્રધાન નરેન્દ્ર મોદી પર નિશાન સાધ્યું છે.
આ પણ વાંચો – Statement / આ રાજ્ય સરકારે મંદિરોમાં બિન-બ્રાહ્મણ પૂજારીઓની નિમણૂંક કરતા હોબાળો,CMએ કરી વિધાનસભામાં આ સ્પષ્ટતા
સિલિન્ડરની કિંમતોમાં સતત વધારા અંગે વાત કરતા રાહુલ ગાંધીએ કહ્યું છે કે સરકારના જુઠ્ઠાણા લોકો સામે ખુલ્લા પડી ગયા છે. રાહુલ ગાંધીએ ફેસબુક પર એક તસવીર શેર કરી છે. જેમાં, રાજધાની દિલ્હીમાં આ વર્ષે એટલે કે જાન્યુઆરીથી અત્યાર સુધી સિલિન્ડરની કિંમત સમજાવવામાં આવી છે. તે બતાવવામાં આવ્યું છે કે જે સિલિન્ડર જાન્યુઆરીમાં 694 માં ઉપલબ્ધ હતું તે ઓગસ્ટ સુધીમાં 859 થઈ ગયું છે. જેને શેર કરતા રાહુલે લખ્યું છે – જુમલાનું સત્ય લોકો સમક્ષ છે, ‘ઉંધો વિકાસ’ છેલ્લા 7 વર્ષમાં થયો. પેટ્રોલિયમ કંપનીઓએ મંગળવારે બિન સબસિડી વગરનાં સિલિન્ડરની કિંમતમાં 25 રૂપિયાનો વધારો કર્યો છે. દિલ્હીમાં 14.2 કિલોનું સિલિન્ડર, જે અત્યાર સુધી 834.50 રૂપિયામાં ઉપલબ્ધ હતું, હવે 859.5 રૂપિયા થઈ ગયું છે. ઉત્તરપ્રદેશમાં LPG સિલિન્ડર હવે 897 રૂપિયાનું થઈ ગયું છે.
આ પણ વાંચો – અફઘાનિસ્તાનમાં કટોકટી / અમેરિકાએ કર્યું કઈ એવું કે અફઘાનિસ્તાનમાં સત્તા પર આવવા છતાં તાલિબાન પૈસા માટે રહેશે મોહતાજ
પેટ્રોલિયમ કંપનીઓ સામાન્ય રીતે મહિનાની પહેલી તારીખે ગેસ સિલિન્ડરનાં ભાવમાં વધારો કરે છે. આ વખતે મહિનાનાં મધ્યમાં અચાનક ભાવમાં વધારો કરવામાં આવ્યો હતો. આપને જણાવી દઈએ કે, આ વર્ષે અત્યાર સુધી ગેસ સિલિન્ડરની કિંમતોમાં 165 રૂપિયાનો વધારો થયો છે. જાન્યુઆરી 2002 માં દિલ્હીમાં એલપીજી સિલિન્ડરની કિંમત 694 રૂપિયા હતી. ફેબ્રુઆરીમાં કિંમતમાં વધારો કરવામાં આવ્યો હતો અને સિલિન્ડર ઘટાડીને 719 રૂપિયા કરવામાં આવ્યું હતું. ફેબ્રુઆરીમાં ભાવ ફરી 769 રૂપિયા થયો હતો. માર્ચમાં સિલિન્ડરની કિંમત વધારીને 819 રૂપિયા કરવામાં આવી હતી. આ પછી, જુલાઈમાં અને હવે ઓગસ્ટમાં ભાવ વધાર્યા બાદ સિલિન્ડર 859 થઈ ગયું છે. આપને જણાવી દઇએ કે, કોંગ્રેસ મહાસચિવ પ્રિયંકા ગાંધીએ એલપીજી સિલિન્ડરનાં ભાવ વધારવા માટે સરકાર પર પ્રહાર કર્યા છે. પ્રિયંકાએ બુધવારે એક ટ્વીટમાં સરકાર પર કટાક્ષ કર્યો હતો. તેમણે કહ્યું કે, ભાજપ સરકારની કલેક્શન સ્કીમ ખીલી રહી છે. એક ટ્વિટમાં પ્રિયંકાએ કહ્યું, 1 જુલાઈએ મોદીજીની સરકારે LPG પર 25 રૂપિયાનો વધારો કર્યો. 17 ઓગસ્ટનાં રોજ તેમાં ફરી રૂ. 25 નો વધારો કરવામાં આવ્યો હતો. ઉજ્જવલાનું સ્વપ્ન બતાવીને, ભાજપ સરકારની કલેક્શન યોજના દર મહિને એલપીજીનાં ભાવમાં વધારો કરીને ખીલી રહી છે.
