બોલિવૂડ એક્ટ્રેસ રવિના ટંડન અને તેના ડ્રાઈવરને મુંબઈના બાંદ્રામાં બેદરકારીથી ડ્રાઈવિંગ કરવા બદલ લોકોના ગુસ્સાનો સામનો કરવો પડ્યો હતો. રવિના ટંડનનો એક કથિત વીડિયો ઈન્ટરનેટ પર વાયરલ થઈ રહ્યો છે, જેમાં જોઈ શકાય છે કે સ્થાનિક લોકોનું એક જૂથ અભિનેત્રી અને તેના ડ્રાઈવર પર એક વૃદ્ધ મહિલા સહિત ત્રણ મહિલાઓ પર હુમલો કરવાનો આરોપ લગાવી રહ્યું છે. વીડિયોમાં જોઈ શકાય છે કે મહિલાઓએ રવિના ટંડન પર પણ હુમલો કર્યો હતો. એક્સ પર શેર કરવામાં આવેલા વીડિયોમાં, અભિનેત્રીએ ગ્રુપના લોકોને ‘પ્લીઝ મને ન મારવા’ કહીને તેને ન મારવાની અપીલ કરી અને પોતાનો બચાવ કર્યો.
માહિતી અનુસાર, આ ઘટના મુંબઈના કાર્ટર રોડ પર રિઝવી કોલેજ પાસે બની હતી. કથિત રીતે દારૂના નશામાં રવીના કેટલીક મહિલાઓ સાથે બોલાચાલી કરીને કારમાંથી બહાર નીકળી ગઈ હતી. બાદમાં તેના પતિ અને ફિલ્મ ડિસ્ટ્રીબ્યુટર અનિલ થડાની પણ ખાર પોલીસ સ્ટેશન પહોંચ્યા હતા. વીડિયોમાં સ્થાનિક લોકો રવિનાની આસપાસ જોઈ શકાય છે. તેઓ કહે છે કે તેઓ પોલીસને બોલાવશે. એક પીડિતાએ રવિનાને કહ્યું, “તારે જેલમાં રાત વિતાવવી પડશે. મારા નાકમાંથી લોહી નીકળે છે.”
View this post on Instagram
આ સમગ્ર ઘટના કેમેરામાં કેદ થઈ રહી હતી. આ જોઈને રવિના ટંડને અપીલ કરી હતી કે તેને રેકોર્ડ ન કરવામાં આવે. મોહમ્મદ નામના વ્યક્તિએ બાદમાં કથિત પીડિતોની ઓળખ તેની માતા, બહેન અને ભત્રીજી તરીકે કરી હતી. રવિના ટંડને હજુ સુધી આ અંગે કોઈ નિવેદન આપ્યું નથી.
આ પણ વાંચો: T20 વર્લ્ડ કપ પહેલા ઇંગ્લેન્ડની ટીમના આ ખેલાડી પર મૂકાયો પ્રતિબંધ, જાણો શું છે કારણ
આ પણ વાંચો: ભારતીય ટીમના મુખ્ય કોચ રાહુલ દ્રવિડ અને કેપ્ટન રોહિત શર્માએ યજમાન અમેરિકાને લઈને ICCને કરી ફરિયાદ
આ પણ વાંચો: T20 વર્લ્ડ કપ પહેલા માઈકલ ક્લાર્કે રોહિત શર્મા એન્ડ કંપની માટે આપી ચેતવણી
