New Delhi : કોંગ્રેસ અધ્યક્ષ મલ્લિકાર્જુન ખડગેએ બુધવારે(5 માર્ચ-2025) વડાપ્રધાન નરેન્દ્ર મોદીને દેશની બગડતી આર્થિક સ્થિતિ અંગે સવાલ ઉઠાવ્યા હતા. ખડગેએ તેના સત્તાવાર X (અગાઉ ટ્વિટર) એકાઉન્ટ પર હિન્દીમાં લખેલી પોસ્ટમાં લખ્યું કે, “મંદી, ગરીબી અને ખિસ્સામાંથી પૈસા કઢાવવાની નાદારી – આ તમે ચલાવો છો તે અર્થતંત્રનો સાર છે”.
રિઝર્વ બેંક ઓફ ઈન્ડિયા (RBI) ના ફેબ્રુઆરીના અહેવાલમાં જણાવવામાં આવ્યું છે કે, ગોલ્ડ લોનમાં એક વર્ષમાં 71.3% નો વધારો થયો છે, જે 2024 માં મહિલાઓ દ્વારા લેવામાં આવેલી કુલ લોનના 38% છે, ખડગેએ જણાવ્યું હતું કે વધતી જતી ફુગાવાને કારણે મહિલાઓને તેમના ઘરેણાં ગીરવે રાખવાની ફરજ પડી છે. “પહેલા સરકારે નોટબંધી લાગુ કરીને મહિલાઓના ધનને ગાયબ કરી દીધું, હવે ફુગાવા અને ઘટતી ઘરગથ્થુ બચતને કારણે, તેઓ તેમની સૌથી કિંમતી વસ્તુ – તેમના ઘરેણાં ગીરવે રાખવા મજબૂર છે,” ખડગેએ કહ્યું.
.@narendramodi जी,
1. आपने "मंगलसूत्र चुरा कर ले जाने" वाली बात की थी। वो अब सच हो गई। आपके ही राज में महिलाओं को अपने सोने के गहनों को गिरवी रखने पर मजबूर कर दिया है।
2019 से 2024 के बीच 4 करोड़ महिलाओं ने अपने सोने को गिरवी रख 4.7 लाख़ करोड़ का लोन लिया है। 2024 में… pic.twitter.com/J06VZi7fDU
— Mallikarjun Kharge (@kharge) March 5, 2025
વધુમાં, ખડગેએ મધ્યમ વર્ગની બાબતે ખાસ કરીને વાહન લોન પર આધાર રાખનારાઓની સ્થિતિ બગડવાનો આરોપ લગાવ્યો. “સરકારે અર્થતંત્રની સ્થિતિ એટલી હદે ખરાબ કરી દીધી છે કે આપણા મધ્યમ વર્ગના પરિવારો જેમણે ટુ-વ્હીલર ખરીદ્યા હતા તેઓ હવે તેમની લોન ચૂકવી શકતા નથી”, ખડગેએ કહ્યું. તેને ડેટા ટાંક્યો જે દર્શાવે છે કે ટુ-વ્હીલર ફાઇનાન્સર્સ 2019 પછી પહેલીવાર વધતા ડિફોલ્ટને કારણે લોન વિતરણ ઘટાડી રહ્યા છે.
ખડગેએ આરોપ લગાવ્યો છે કે, “75% લોકો લોન પર ટુ-વ્હીલર ખરીદે છે. જેથી તેઓ ધીમે ધીમે તેને ચૂકવી શકે, નાણાકીય તાણને કારણે બાકી લોનમાં તીવ્ર વધારો થયો છે, સપ્ટેમ્બર 2024 સુધી બાકી રહેલી લોન લગભગ ₹ 2 લાખ કરોડ છે, જેમાં એક વર્ષમાં ₹ 40,000 કરોડનો વધારો થયો છે. ફેબ્રુઆરી 2025માં ટુ-વ્હીલરના વેચાણમાં 6%નો ઘટાડો થયો છે”.
આ પણ વાંચોઃ ‘મોદી સરકાર RTI ને નબળી કરી રહી છે’, ખડગેએ કહ્યું- અમે લોકોના અધિકારોના રક્ષણ માટે સરકાર સામે લડતા રહીશું
આ પણ વાંચો: મલ્લિકાર્જુન ખડગે – “બેટી બચાવો બેટી પઢાઓ યોજનામાં 455 કરોડ રૂપિયા ગાયબ થઈ ગયા”
આ પણ વાંચો: ખડગે પર PM Modiનો કટાક્ષ, “લોકોને શું ખબર, દીવો પ્રગટાવવા માટે આપણે કેટલા તોફાનો પાર કર્યા છે”
