Uk News : નોકરી ન મળવાથી આપણે ઘણીવાર લોકોને પરેશાન થતા જોઈએ છીએ, પરંતુ હવે એક એવો બનાવ સામેઆવ્યો છે, જેમાં એક ઉમેદવાર દ્વારા નોકરીની ઓફર નકારવા પર એક ભરતી કરનાર એટલો ગુસ્સે થયો કે તેણે પોતાનું જ કીબોર્ડ જ તોડી નાંખ્યું હતું, લંડનના એક ભરતી કરનારની પોસ્ટ સોશિયલ મીડિયા પર વાયરલ થઈ રહી છે, જેમાં તેણે ગુસ્સામાં પોતાનું કીબોર્ડ તોડી નાખવાની વાત કરી છે. એક ઉમેદવારે પોતાની ઓફર નકારી કાઢી અને બીજી નોકરી સ્વીકારી લીધા પછી આ ઘટના બની હોવાનું સામે આવ્યું છે.
ભરતી સલાહકાર એથન મૂનીએ તેમના લિંક્ડઇન પર એક પોસ્ટ શેર કરી, જેમાં તેમણે તેમના તૂટેલા કીબોર્ડનો ફોટો શેર કર્યો. આનું કારણ આપતાં તેમણે કહ્યું કે આજે સવારે 9.30 વાગ્યે બીજા રાઉન્ડના ઇન્ટરવ્યુ માટે એક ઉમેદવાર આવવાનો હતો પરંતુ તે જાણ કર્યા વિના ગાયબ થઈ ગયો.
લગભગ અડધા કલાક પછી ઉમેદવારે તેને સંદેશ મોકલ્યો અને કહ્યું કે તેણે બીજી કંપનીની ઓફર સ્વીકારી લીધી છે. આ ઘટનાથી ગુસ્સે ભરાયેલા મૂનીએ કીબોર્ડ તોડી નાખ્યું. તેમણે એમ પણ કહ્યું કે હવે કોણ કહે છે કે ભરતી કરનારાઓને ઉમેદવારોની પરવા નથી?મૂનીની પોસ્ટ પર મિશ્ર પ્રતિક્રિયાઓ જોવા મળી. કેટલાક લોકો તેને મજાક તરીકે લઈ રહ્યા છે, જ્યારે કેટલાકે તેને બિનવ્યાવસાયિક અને ખોટું ગણાવ્યું છે.
એક યુઝરે લખ્યું, કલ્પના કરો કે જો ઉમેદવારો ઇન્ટરવ્યૂ પછી ભરતી કરનાર ગાયબ થાય ત્યારે પણ પોસ્ટ કરે. ઉમેદવારો કલાકો સુધી અરજી ભરે છે પણ તેમને જવાબ પણ મળતો નથી. બંને બાજુથી આદર હોવો જોઈએ. એક યુઝરે કહ્યું કે આ જીવનનો એક ભાગ છે. ઘણી વખત આપણને ઇન્ટરવ્યૂનો કોઈ પ્રતિસાદ પણ મળતો નથી. આપણે ફક્ત ‘ડેડ ઝોન’માં રહી ગયા છીએ.
આ પણ વાંચો: હવે ગેરકાયદેસર ઇમિગ્રન્ટ્સને અમેરિકા પહોંચતા જ કસ્ટડીમાં લેવામાં આવશે
આ પણ વાંચો: 7 લાખ ભારતીયો માટે ખતરો? ગેરકાયદેસર ઇમિગ્રન્ટ્સ માટે ગુરુદ્વારાઓમાં સર્ચ ઓપરેશન
