રિલાયન્સ જિયો ફરી એકવાર વોઇસ કોલ્સને એકદમ ફ્રી કરવા જઈ રહી છે. Jio સબ્સ્ક્રાઇબર્સ 1 જાન્યુઆરી 2021 થી તેમના ફોન પરથી મફત વોઇસ કોલ કરી શકશે. આવી સેવાઓ પર ઇન્ટરકનેક્ટ યૂઝર્સ ચાર્જ સમાપ્ત થઈ ગયો છે. રિલાયન્સ જિયોએ અંગે માહિતી આપી છે. કંપનીએ એક નિવેદન બહાર પાડીને કહ્યું છે કે (Off-net domestic Calls) મુક્ત કરવાની પ્રતિબદ્ધતાને માન આપવામાં આવશે.
1 જાન્યુઆરી 2021 થી, તમામ વોઇસ કોલ્સ ફરીથી મફત કરવામાં આવશે. જિયો વિશેના આ સમાચાર પછી અન્ય ટેલિકોમ કંપની ભારતી એરટેલનો શેર 2 ટકાથી વધુ ઘટી રહ્યો છે.
કોલ કરવા માટે રિચાર્જની જરુર નથી
આ જાહેરાત છી, હવે જિયો ગ્રાહકોને નવા વર્ષથી કોઈપણ નેટવર્ક પર કોલ કરવા માટે ચૂકવણી કરવાની રહેશે નહીં. આ સુવિધા દેશભરના કોઈપણ ક્ષેત્ર માટે હશે.
સપ્ટેમ્બર 2019 માં, ભારતીય ટેલિકોમ રેગ્યુલેટરી ઓથોરિટીએ જાન્યુઆરી 2020 ના અંત સુધી મોબાઇલ-થી-મોબાઈલ કોલ માટે આઈયુસીનો વધારો કર્યો હતો. પછી જિયોએ તેના ગ્રાહકોને -ઓફ-નેટ વોઇસ કોલ્સ માટે ચાર્જ કરવાનું શરૂ કર્યું. કંપનીએ એ પણ સ્પષ્ટ કર્યું કે Jio નેટવર્ક પર ઓન-નેટ ડોમેસ્ટિક કોલ્સ હજી પણ એકદમ મફત છે.
રિલાયન્સ જિઓએ ઓક્ટોબર મહિનામાં 22 લાખથી વધુ ગ્રાહકોને જોડ્યા છે. કંપનીના કુલ ગ્રાહકોની સંખ્યા 40.63 કરોડને વટાવી ગઈ છે. જિયોએ વાયરલેસ સેગમેન્ટમાં સૌથી વધુ 2,45,912 ગ્રાહકો ઉમેર્યા છે.