અફઘાનિસ્તાનમાંથી અમેરિકી દળોને હટાવ્યા બાદ તાલિબાનો તેમના હુમલા વધારી રહ્યું છે. દરમિયાન, સમાચાર એજન્સી એએફપીએ અહેવાલ આપ્યો છે કે કંધાર એરપોર્ટ પર રોકેટ હુમલો થયો છે. એરપોર્ટના અધિકારીઓએ આ માહિતી આપી છે. તાલિબાન લડવૈયાઓએ કંધારને ઘેરી લીધું છે અને અફઘાન સુરક્ષા દળો સાથે હાલમાં શહેરમાં લડાઈ ચાલી રહી છે. એરપોર્ટના એક અધિકારીએ રવિવારે એએફપી ન્યૂઝ એજન્સીને જણાવ્યું હતું કે મોડી રાત્રે દક્ષિણ અફઘાનિસ્તાનના કંધાર એરપોર્ટ પર ઓછામાં ઓછા ત્રણ રોકેટ આવીને પડ્યા હતા.
આ પણ વાંચો : ચીનના રાષ્ટ્રપતિ શી જિનપિંગે આર્મીને કહ્યું કે 2027 સુધી શ્રેષ્ઠ સેના બનવાનો પ્રયાસ કરવો
તાલિબાનોએ અફઘાનિસ્તાનના મોટા ભાગ પર કબજો મેળવવા માટે પોતાનું અભિયાન તેજ કર્યું છે. દેશના મોટા ભાગમાં અફઘાન સુરક્ષા દળો અને તાલિબાન લડવૈયાઓ વચ્ચે લડાઈ ચાલુ છે. કંધાર એરપોર્ટના વડા મસૂદ પશ્તુને એએફપીને જણાવ્યું હતું કે, ગત રાત્રે એરપોર્ટ પર ત્રણ રોકેટ છોડવામાં આવ્યા હતા અને તેમાંથી બે રનવે પર પડ્યા હતા. આ કારણે એરપોર્ટ પરથી તમામ ફ્લાઇટ્સ રદ કરવામાં આવી છે. આ હુમલો એવા સમયે થયો છે જ્યારે તાલિબાન લડવૈયાઓએ હેરાત, લશ્કર ગાહ અને કંધારને ઘેરી લીધા છે. સપ્ટેમ્બર સુધીમાં વિદેશી દળોને હટાવવાની જાહેરાત બાદ તાલિબાને દેશના ગ્રામીણ વિસ્તારોમાં જબરદસ્ત પ્રગતિ કરી છે.
આ પણ વાંચો :જાપાન, થાઇલેન્ડ અને મલેશિયામાં કોરોના ડેલ્ટા વેરિએન્ટએ મચાવી તબાહી, અમેરિકામાં એક લાખ નવા કેસ
તે જ સમયે, એક કંધાર સાંસદે કહ્યું કે કંધાર તાલિબાનના હાથમાં જવાનો ખતરો છે. તાલિબાન લડવૈયાઓ અહીં દાખલ થયા છે અને સુરક્ષા દળો સાથે સતત યુદ્ધ લડી રહ્યા છે. અત્યાર સુધીમાં લગભગ 10,000 લોકો યુદ્ધને કારણે કંધારથી વિસ્થાપિત થયા છે. આ લોકોએ પાકિસ્તાન, ઈરાન જેવા દેશોમાં આશરો લીધો છે. હકીકતમાં, તાલિબાન પણ કંધાર પર કબજો કરવા માંગે છે જેથી તેને સંગઠનની અસ્થાયી રાજધાની બનાવી શકાય. આપને જણાવી દઈએ કે તાલિબાનનો જન્મ કંધારમાં જ થયો હતો.
આ પણ વાંચો :અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના ટેક્સ રેકોર્ડની તપાસ માટે મંજૂરી આપવામાં આવી
આ પણ વાંચો :કિમ જોંગ ઉન ફરીથી બીમાર? નવી તસ્વીરોથી ચિંતામાં ઉત્તર કોરિયા
