અનુભવી ભારતીય ટેનિસ ખેલાડી રોહન બોપન્નાએ પ્રથમ વખત ઓસ્ટ્રેલિયા ઓપનનો ખિતાબ જીત્યો છે. તેણે મેથ્યુ એબ્ડેન સાથે મળીને શનિવારે ઓસ્ટ્રેલિયન ઓપન 2024ની મેન્સ ડબલ્સની ફાઇનલમાં જીત મેળવી હતી. 43 વર્ષીય બોપન્ના અને તેના ઓસ્ટ્રેલિયન પાર્ટનર એબ્ડેને ઈટાલીના સિમોન બોલેલી અને એન્ડ્રીયા વાવાસોરીને 7-6, 7-5થી હરાવીને ઈતિહાસ રચ્યો હતો.
બોપન્નાની કારકિર્દીનું આ પહેલું મેન્સ ડબલ્સ ગ્રાન્ડ સ્લેમ ટાઈટલ છે. તેણે કુલ બે ગ્રાન્ડ સ્લેમ ટાઈટલ કબજે કર્યા છે. તેણીએ અગાઉ 2017 માં કેનેડિયન ગેબ્રિએલા ડાબ્રોવસ્કી સાથે ફ્રેન્ચ ઓપન મિક્સ્ડ ડબલ્સ ટાઇટલ જીત્યું હતું
બોપન્ના ગ્રાન્ડ સ્લેમ જીતનાર સૌથી મોટી ઉંમરનો ગ્રાન્ડ સ્લેમ ચેમ્પિયન બન્યો છે. તેણે જીન જુલિયન રોજરનો રેકોર્ડ તોડ્યો છે. નેધરલેન્ડના જીને 2022માં 40 વર્ષ અને 9 મહિનાની ઉંમરે ફ્રેન્ચ ઓપન મેન્સ ડબલ્સનો ખિતાબ જીત્યો હતો.
ફાઈનલ જીત્યા બાદ બોપન્નાએ એબડેનની પ્રશંસા કરી હતી. મેન્સ ડબલ્સ ગ્રાન્ડ સ્લેમ ટાઈટલ જીતનાર તે ત્રીજો ભારતીય છે. તેણે કહ્યું,”હું 43 ના સ્તર પર છું, 43 નો નહીં, અને મારા અદ્ભુત ઓસ્ટ્રેલિયન સાથી ખેલાડીઓ વિના આ કંઈ શક્ય ન હોત,.
આ પણ વાંચો:Australian Open 2024/અરિના સબાલેન્કા ફરી બની ઓસ્ટ્રેલિયન ઓપન ચેમ્પિયન, ચીનના ઝેંગ કિનવેનનું સપનું તૂટ્યું
આ પણ વાંચો:australian open/ડેનિલ મેદવેદેવે બે સેટ હાર્યા બાદ જર્મનના એલેક્ઝાન્ડર ઝવેરેવને હરાવીને ફાઇનલમાં પહોંચ્યો
આ પણ વાંચો:મોત/યુવા ફાસ્ટ બોલરનું હાર્ટ એટેકથી મોત! બોલિંગ રનઅપમાં જ ઢળી પડયો
