વર્લ્ડ કપ 2023ની 9મી મેચ દિલ્હીના અરુણ જેટલી સ્ટેડિયમમાં ભારત અને અફઘાનિસ્તાન વચ્ચે રમાઈ હતી. આ મેચમાં ભારતે 8 વિકેટે મોટી જીત નોંધાવી હતી. રોહિત શર્માએ સુકાની ઈનિંગ્સ રમીને શાનદાર 131 રન બનાવ્યા હતા. આ સદી સાથે તેણે ઘણા મહાન રેકોર્ડ પોતાના નામે કર્યા. તેણે આંતરરાષ્ટ્રીય ક્રિકેટમાં સૌથી વધુ સિક્સર મારવાનો ક્રિસ ગેલ (553)નો વર્લ્ડ રેકોર્ડ તોડી નાખ્યો.હવે રોહિત (556) નંબર વન પર આવી ગયો છે. આ સાથે તેણે 3 ખૂબ જ ખાસ રેકોર્ડ પણ પોતાના નામે કર્યા.
રોહિતે સર્વોચ્ચ સ્કોર બનાવ્યો
રોહિત શર્માએ આ મેચમાં 131 રનની શાનદાર સદીની ઈનિંગ રમીને ટીમની જીતનો પાયો નાખ્યો હતો. રોહિતે 84 બોલનો સામનો કરીને 5 સિક્સર અને 16 ફોર ફટકારી હતી. આ ઈનિંગ સાથે તે ભારત માટે વર્લ્ડ કપના ઇતિહાસમાં રનનો પીછો કરતી વખતે સૌથી મોટી ઇનિંગ રમનાર બેટ્સમેન બની ગયો છે. આ પહેલા આ રેકોર્ડ મહાન બેટ્સમેન સચિન તેંડુલકર (127*)ના નામે હતો.
વિશ્વ કપમાં સૌથી વધુ સદી
આ ઇનિંગ સાથે રોહિતે વર્લ્ડ કપમાં રનનો પીછો કરતી વખતે સૌથી વધુ સદી ફટકારી છે. તેમણે અત્યાર સુધીમાં 3 સદી ફટકારી છે. આ મામલે તે વિશ્વનો એકમાત્ર બેટ્સમેન છે. આ પછી પાકિસ્તાનના રમીઝ રાજા, વેસ્ટ ઈન્ડિઝના ગોર્ડન ગ્રીનિજ અને ન્યૂઝીલેન્ડના દિગ્ગજ સ્ટીફન ફ્લેમિંગનો 2 સદી સાથે સમાવેશ થાય છે.
પ્રથમ 10 ઓવરમાં સૌથી વધુ રન
રોહિતે પોતાની ઇનિંગની પ્રથમ 10 ઓવરમાં 76 રન ઉમેર્યા હતા. આ સાથે તે વર્લ્ડ કપમાં એક ઇનિંગ્સની પ્રથમ 10 ઓવરમાં સૌથી વધુ રન બનાવનાર બીજો બેટ્સમેન બની ગયો છે. આ યાદીમાં ટોચ પર ન્યુઝીલેન્ડનો બ્રેન્ડન મેક્કુલમ છે જેણે વેલિંગ્ટનમાં 2015 વર્લ્ડ કપ દરમિયાન ઈંગ્લેન્ડ સામે 77 રન બનાવ્યા હતા.
આ પણ વાંચો: Hindu Temple/ પાકિસ્તાનમાં 72 વર્ષ બાદ ખુલ્યું હિંદુ મંદિર, આ વસ્તુ જોઈને લોકો આશ્ચર્યચકિત થયા
આ પણ વાંચો: આજનું રાશિફળ/ આ રાશિના જાતકોનો લગ્ન યોગ પ્રબળ, જાણો તમારું આજનું રાશિ ભવિષ્ય
આ પણ વાંચો: Political/ કોંગ્રેસની મહત્વની બેઠકમાં છત્તીસગઢના CM કેન્ડી ક્રશ રમતા જોવા મળ્યા, વીડિયો થયો વાયરલ,ભાજપે માર્યો ટોણો