Rohit Sharma about T20: ટીમ ઈન્ડિયાના કેપ્ટન રોહિત શર્માએ શ્રીલંકા સામેની ત્રણ વનડે શ્રેણીની શરૂઆત પહેલા પ્રેસ કોન્ફરન્સ કરી હતી. રોહિત શર્માએ આ પ્રેસ કોન્ફરન્સમાં ઘણી મોટી વાતો કહી છે. જ્યારે શ્રીલંકા સામેની ટી-20 સિરીઝમાં હાર્દિક પંડ્યાને ટીમની કમાન સોંપવામાં આવી ત્યારે રોહિત શર્માને લઈને ઘણા મોટા સવાલો ઉભા થયા હતા. જેનો જવાબ રોહિત શર્માએ આજે પ્રેસ કોન્ફરન્સમાં આપ્યો છે. આ દરમિયાન રોહિત શર્માને ટી20ને લઈને પણ સવાલો પૂછવામાં આવ્યા હતા, તેનો રોહિતે આવો જવાબ આપ્યો.
જ્યારે ટીમ ઈન્ડિયાના રોહિત શર્માને T20 વિશે પૂછવામાં આવ્યું તો તેણે જવાબ આપ્યો કે પહેલી વાત તો એ છે કે સતત મેચ રમવી શક્ય નથી. તમારે તમામ ફોર્મેટના ખેલાડીઓને પૂરતો આરામ આપવાની જરૂર છે. મારી સાથે પણ એવું જ છે. અમારે ન્યુઝીલેન્ડ સામે ત્રણ T20 આંતરરાષ્ટ્રીય મેચ રમવાની છે. આ મામલે IPL પછી કંઈક વિચારશે. મેં ફોર્મેટ છોડવાનો નિર્ણય લીધો નથી. રોહિત શર્માના આ જવાબ પરથી તમે અનુમાન લગાવી શકો છો કે તે T20 ઇન્ટરનેશનલ મેચ રમતા જોવા મળશે. જણાવી દઈએ કે ટીમ ઈન્ડિયાનો કેપ્ટન રોહિત શર્મા બાંગ્લાદેશ સામેની વનડે સિરીઝ દરમિયાન ઈજાગ્રસ્ત થયો હતો. કેચ લેતી વખતે તેના અંગૂઠામાં ઈજા થઈ હતી. જેના કારણે તેને છેલ્લી વનડે અને ટેસ્ટ શ્રેણીમાંથી બહાર થવું પડ્યું હતું. તાજેતરમાં શ્રીલંકા સામે રમાયેલી ટી20 શ્રેણીમાં રોહિત શર્મા ભારતીય ટીમનો ભાગ નહોતો. રોહિત શર્માની ગેરહાજરીમાં હાર્દિક પંડ્યાને શ્રીલંકા સામેની ટી-20 શ્રેણીમાં ટીમ ઈન્ડિયાની કમાન સોંપવામાં આવી હતી. જે બાદ રોહિત શર્માના ટી20 કરિયરને લઈને સવાલો ઉઠવા લાગ્યા હતા.
ભારતીય કેપ્ટનની ટી20 કારકિર્દી પર નજર કરીએ તો તેણે 148 T20 આંતરરાષ્ટ્રીય મેચ રમી છે. 140 ઇનિંગ્સમાં તેના બેટમાંથી 30.82ની એવરેજથી 3853 રન થયા છે. આટલું જ નહીં T20 ઈન્ટરનેશનલમાં તેના બેટમાંથી 29 અડધી સદી અને ચાર સદી નીકળી છે. રોહિત શર્માના આ આંકડાઓ પરથી તમે અંદાજ લગાવી શકો છો કે T20 ઈન્ટરનેશનલમાં હિટમેન રોહિત શર્મા કેટલી તોફાની બેટિંગ કરે છે.
આ પણ વાંચો: Tunisha sharma/તુનિશા કેસમાં સામે આવ્યું નવું નામ, મૃત્યુના 15 મિનિટ પહેલા કર્યો હતો વીડિયો કોલ
