સેમસંગે જાહેરાત કરી હતી કે તેનો ગેલેક્સી એમ 12 સ્માર્ટફોન ભારતમાં પહેલા દિવસે એમેઝોનની બેસ્ટ સેલિંગ યાદીમાં ટોપના ક્રમાંકનો સ્માર્ટફોન બની ગયો છે. કંપનીના જણાવ્યા અનુસાર ગેલેક્સી એમ 12 સેલના 48 કલાકની અંદર જ ઓનલાઇન શોપિંગ વેબસાઇટ એમેઝોન પર સૌથી વધુ વેચતો ફોન બની ગયો છે.
કંપનીએ એક નિવેદનમાં કહ્યું, ‘ગેલેક્સી એમ 11 (2020) અને ગેલેક્સી એમ 21 (2020) અને ત્યારબાદ ગેલેક્સી એમ 12 એ પણ પહેલા જ દિવસે તેની કેટેગરીમાં સેમસંગ માટે નવો રેકોર્ડ બનાવ્યો છે. વેચાણના પહેલા દિવસે ગેલેક્સી એમ 12 નું વેચાણ ગેલેક્સી એમ 2 એસ કરતા 3.65 ગણું વધારે હતું, જે જાન્યુઆરી 2021માં શરૂ થયું હતું.”
ગેલેક્સી એમ 12 બે વેરિએન્ટમાં આવે છે. ફોનની મુખ્ય વિશેષતા 6000 એમએએચની મોટી બેટરી છે. સ્માર્ટફોનના 4 જીબી વેરિએન્ટની કિંમત 10,999 રૂપિયા અને 6 જીબીના 128 જીબી વેરિએન્ટની કિંમત 13,499 રૂપિયા રાખવામાં આવી છે. આઈસીઆઈસીઆઈ બેંક ક્રેડિટ અને ડેબિટ કાર્ડવાળા ગ્રાહકો માચે સેમસંગ, એમેઝોનની વેબસાઇટ અને પસંદગીના છૂટક સ્ટોર્સ પર 1000 રૂપિયાની કેશબેક ઓફર પણ મળશે.
તેમાં 6.5 ઇંચની એચડી પ્લસ ટીએફટી ઇન્ફિનિટી-વી ડિસ્પ્લે છે, આ સ્માર્ટફોન એક્ઝિનોસ 850 એસસી દ્વારા સંચાલિત છે અને 6 જીબી રેમ સાથે જોડવામાં આવ્યો છે. તેમાં 128 જીબી ઇન્ટરનલ સ્ટોરેજ છે.
આ ડિવાઇસ એન્ડ્રોઇડ-આધારિત વન UI કોર ઓએસ પર ચાલે છે. તેમાં પાછળના ભાગમાં ક્વાડ કેમેરા સેટઅપ છે, જેમાં 48 મેગાપિક્સલનો પ્રાઈમરી સેન્સર, મેગાપિક્સલનો સેકન્ડરી અલ્ટ્રા વાઇડ સેન્સર, 2 મેગાપિક્સલનો મેક્રો સેન્સર અને 2 મેગાપિક્સલનો ડેપ્થ સેન્સર છે. આ સ્માર્ટફોનમાં 8 મેગાપિક્સલનો સેલ્ફી કેમેરો પણ છે.
