ભારતીય ટેનિસ સ્ટાર સાનિયા મિર્ઝાએ તાજેતરમાં એક વીડિયો શેર કર્યો છે અને તેમાં જણાવ્યું છે કે 24 ઓક્ટોબરના રોજ થનારી ભારત અને પાકિસ્તાન વચ્ચેની મેચ દરમિયાન પોતાને નેગેટિવ કમેન્ટ્સ અને ટ્રોલિંગથી દૂર રાખવા માટે સોશિયલ મીડિયા પરથી ગાયબ થઈ જશે. સાનિયા મિર્ઝાએ ઈન્સ્ટાગ્રામ પર એર રીલ શેર કરીને આ વાત જણાવી છે. ઉલ્લેખનીય છે કે, સાનિયા મિર્ઝાનો પતિ શોએબ મલિક પાકિસ્તાનની ક્રિકેટ ટીમનો ખેલાડી છે, જ્યારે સાનિયા મિર્ઝા ભારતની છે.
ઉલ્લેખનીય છે કે પાકિસ્તાનની ટીમમાં પહેલા શોએબ મલિકને સ્થાન નહોતુ મળ્યું, પરંતુ સોહૈબ મકસુદ ઈજાગ્રસ્ત થયો હોવાને કારણે શોએબ મલિકને સ્થાન મળ્યું છે. શોએબ મલિક પાકિસ્તાન ક્રિકેટના ઈતિહાસમાં સૌથી સફળ ટી-20 બેટ્સમેન છે. તેના નામ પર 443 મેચમાં 11033 રન છે. વર્ષ 2010માં વેસ્ટ ઈન્ડિઝમાં રમાયેલી ટૂર્નામેન્ટમાં શોએબ મલિક હાજર નહોતો, પરંતુ 2012, 2014 અને 2016ની ટૂર્નામેન્ટમાં શોએબ મલિકે ભાગ લીધો હતો.
https://www.instagram.com/reel/CVFkcBzjzDa/?utm_source=ig_embed&ig_rid=be41091d-0c35-40cb-984b-89154fac427b
ભારતની આગામી મેચ 31 ઓક્ટોબરના રોજ ન્યુઝીલેન્ડ સામે હશે, ત્યારપછી 3 નવેમ્બરના રોજ અફઘાનિસ્તાન સામે રમશે. ઉલ્લેખનીય છે કે આ વર્લ્ડ કપ સંયુક્ત અરબ અમીરાત અને ઓમાનમાં યોજાશે. ગ્રુપ એમાં શ્રીલંકા, આયરલેન્ડ, નીધરલેન્ડ અને નામીબિયા શામેલ છે જ્યારે ગ્રુપ બીમાં બાંગ્લાદેશ, સ્કોટલેન્ડ, પાપુઆ ન્યુ ગિની અને ઓમાન છે. બન્ને ગ્રુપની ટોપ 2 ટીમો સુપર 12 માટે ક્વોલિફાઈ કરશે.
