Arvalli (Modasa) News : ગાંધીનગર સીઆઇડી ક્રાઇમ મોડાસા ખાતે ચાલતી આર.કે. એન્ટરપ્રાઇઝના સીઈઓ હરપાલસિંહ ઝાલા, હરસિદ્ધિ એન્ટરપ્રાઇઝના સીઈઓ અજયસિંહ પરમાર અને કે.કે. એન્ટરપ્રાઇઝના સીઇઓ સામે કુલ 50 કરોડ ગેરકાયદે રીતે ગ્રાહકો પાસે ઊઘરાવી ગુનો આચાર્યો હોવાની ફરિયાદ નોંધાઇ છે.

BZના સીઇઓ ભૂપેન્દ્ર ઝાલા દ્વારા અરવલ્લી અને સાબરકાંઠાના ગ્રાહકોને વધુ વ્યાજ આપીને નાણાં રોકવાના કેસમાં સીઆઇડી દ્વારા રેડ કરવામાં આવી હતી. ત્યારબાદ મોડાસા ખાતે BZ જેવી જ એમઓ અપનાવી વધુ ત્રણ કંપનીના સીઈઓ દ્વારા ગ્રાહકોના કરોડો ઉઘરાવીને કૌભાંડ આચર્યું હોવાની ચર્ચાઓ હતી.

સાબરકાંઠા સહિત ઉત્તર ગુજરાતમાં છેલ્લા કેટલાક સમયથી રોકાણકારોને આકર્ષતી તગડું વ્યાજ આપતી BZ કંપનીની ખાનગી ઓફિસો પર 7 દિવસ પહેલાં CID ક્રાઇમની ટીમે એકસાથે સંચાલકો તથા તેમના એજન્ટોની 6 જિલ્લામાં આવેલી ઓફિસો પર રેડ કરી હતી. ભાજપના ભૂપેન્દ્રસિંહ ઝાલાની BZ ફાઇનાન્શિયલ સર્વિસીઝ દ્વારા 36 ટકા વ્યાજ અને ગોવા ફરવાની લાલચો આપી 6000 કરોડની છેતરપિંડી કરવામાં આવી હોવાનો ઘટસ્ફોટ થયો હતો.