New Delhi News : મહારાષ્ટ્રમાં સીટોની વહેંચણીને લઈને શુક્રવારે મોડી રાત્રે અમિત શાહના ઘરે NDAના ઘટકોની અઢી કલાક બેઠક થઈ હતી. જેમાં મુખ્યમંત્રી એકનાથ શિંદે, ડેપ્યુટી સીએમ દેવેન્દ્ર ફડણવીસ અને ડેપ્યુટી સીએમ અજિત પવારે ભાગ લીધો હતો. બેઠકમાં ભાજપ, શિવસેના શિંદે અને NCP અજીત જૂથ વચ્ચે રાજ્યની 288 વિધાનસભા બેઠકો પર સહમતિ સધાઈ છે.સૂત્રોના જણાવ્યા અનુસાર, ભાજપ 155 બેઠકો પર, શિવસેના શિંદે જૂથ 78 બેઠકો પર અને NCP અજિત પવાર જૂથ 55 બેઠકો પર તેના ઉમેદવારો ઉભા કરશે. બેઠકમાં નાની પાર્ટીઓને પણ કેટલીક બેઠકો આપવા પર સહમતિ બની હતી. અમિત શાહની સૂચના બાદ કેટલીક બેઠકો અંગેનો મુદ્દો રાજ્ય સ્તરે ઉકેલાશે.
બંને નાયબ મુખ્ય પ્રધાનો, દેવેન્દ્ર ફડણવીસ અને અજિત પવાર દિલ્હીમાં અમિત શાહને મળ્યા પછી મહારાષ્ટ્ર પાછા ફર્યા છે, જ્યારે મુખ્ય પ્રધાન એકનાથ શિંદે હજી પણ દિલ્હીમાં હોવાનું જાણવા મળે છે. સૂત્રોના જણાવ્યા અનુસાર ભાજપે તેના ક્વોટામાંથી નાની પાર્ટીઓને સીટો આપવાની છે. જો કોઈપણ પક્ષ પાસે વિજેતા ઉમેદવાર ન હોય તો 5 જગ્યાએ પ્લસ-માઈનસ થઈ શકે છે.
બીજેપી આજે 106 નામોની પ્રથમ યાદી જાહેર કરી શકે છે સીટ શેરિંગ ફોર્મ્યુલા પર સહમત થયા બાદ આજે ભાજપ 106 સીટો પર ઉમેદવારોના નામની પ્રથમ યાદી જાહેર કરી શકે છે. આ લગભગ એવી બેઠકો હશે જ્યાં પાર્ટીના મોટા ચહેરાઓ ચૂંટણી લડશે. જેમાં દેવેન્દ્ર ફડણવીસ જેવા નામો સામેલ છે.
મહારાષ્ટ્ર નવનિર્માણ સેના (MNS) રાજ ઠાકરેના પુત્ર અમિત ઠાકરેને મેદાનમાં ઉતારવાનું વિચારી રહી છે. અમિત ઠાકરે માટે મુંબઈની માહિમ અને ભાંડુપ પશ્ચિમ વિધાનસભા બેઠકોની સમીક્ષા કરવામાં આવી રહી છે. શિંદે સેનાના સદા સરવણકર માહિમ સીટથી વર્તમાન ધારાસભ્ય છે. ઠાકરે સેનાના રમેશ કોરગાંવકર ભાંડુપ પશ્ચિમ વિધાનસભા બેઠક પરથી વર્તમાન ધારાસભ્ય છે.જો MNS માહિમ વિધાનસભા સીટ પરથી અમિત ઠાકરેને મેદાનમાં ઉતારે છે, તો શિવસેના (UBT) આ સીટ પરથી પોતાના ઉમેદવારને ઉભા ન રાખવાનું વિચારી શકે છે. જ્યારે આદિત્ય ઠાકરે 2019ની વિધાનસભા ચૂંટણીમાં પહેલીવાર ચૂંટણી લડી રહ્યા હતા, ત્યારે MNSએ વરલી બેઠક પરથી પોતાનો ઉમેદવાર ઊભો રાખ્યો ન હતો.
2024ની લોકસભા ચૂંટણીમાં MNSના સમર્થનને કારણે મહાયુતિના ઉમેદવાર રાહુલ શેવાળેને માહિમ વિધાનસભા સીટ પર લગભગ 14 હજારની લીડ મળી હતી. આથી MNSને લાગે છે કે માહિમ વિધાનસભા સીટ અમિત ઠાકરે માટે આરક્ષિત થઈ શકે છે.રાષ્ટ્રવાદી કોંગ્રેસ પાર્ટી (શરદચંદ્ર પવાર)ના વડા શરદ પવારે ગુરુવારે કહ્યું છે કે મહારાષ્ટ્રમાં યોજાનારી વિધાનસભા ચૂંટણી મહા વિકાસ અઘાડી (MVA)ના ત્રણ સહયોગીઓ વચ્ચે થશે. કુલ 288માંથી 200 બેઠકો પર સર્વસંમતિ સધાઈ છે. MVAમાં NCP (SP), કોંગ્રેસ અને શિવસેના (UBT)નો સમાવેશ થાય છે.મહારાષ્ટ્રના સતારામાં પવારે કહ્યું કે હરિયાણાની ચૂંટણીના પરિણામોની મહારાષ્ટ્ર ચૂંટણી પર કોઈ અસર નહીં થાય. હરિયાણામાં કોંગ્રેસને ભાજપથી હારનો સામનો કરવો પડ્યો છે. એક પ્રશ્નના જવાબમાં તેમણે કહ્યું કે, ‘હું સીટ શેરિંગની ચર્ચામાં સીધો સામેલ નથી.’
જયંત પાટીલ (NCP-SP રાજ્ય એકમના વડા) પક્ષનું પ્રતિનિધિત્વ કરી રહ્યા છે. તેમની પાસેથી પ્રાપ્ત માહિતી અનુસાર, કુલ 288 બેઠકોમાંથી 200 બેઠકો પર સમજૂતી થઈ ગઈ છે. જ્યારે પૂછવામાં આવ્યું કે NCP સતારા જિલ્લામાં કઈ બેઠકોની માંગ કરશે, તો તેમણે કહ્યું કે પાટીલ બેઠકોની વહેંચણી અંગે નિર્ણય લેશે.મહારાષ્ટ્ર કોંગ્રેસ 20 ઓક્ટોબરે કેન્દ્રીય ચૂંટણી સમિતિની બેઠક યોજશે, જેમાં રાજ્યના ઉમેદવારોની યાદી નક્કી કરવામાં આવશે. બુધવારે દિલ્હીમાં હિમાચલ ભવનમાં મહારાષ્ટ્ર ચૂંટણી સ્ક્રિનિંગ કમિટીની બેઠક બાદ વિધાનસભા ચૂંટણીના પાર્ટી પ્રભારી રમેશ ચેન્નીથલાએ કહ્યું કે અમે 20 ઓક્ટોબરે બીજી બેઠક કરીશું અને બધું નક્કી કરવામાં આવશે.મહારાષ્ટ્ર વિધાનસભા ચૂંટણીમાં પ્રથમ વખત 6 મોટા પક્ષો વચ્ચે મુકાબલો છે. 20 નવેમ્બર 2024ના રોજ મતદાન થશે અને પરિણામ 23 નવેમ્બરે જાહેર કરવામાં આવશે. જ્યારે અમે અહીંની 288 વિધાનસભા મતવિસ્તારો અનુસાર લોકસભા બેઠકોનું વિશ્લેષણ કર્યું તો અમને ઘણી આશ્ચર્યજનક બાબતો જાણવા મળી. ઉદાહરણ તરીકે- અજિત પવારની એનસીપીએ માત્ર 6 વિધાનસભા બેઠકો જીતી હતી. ભાજપે 23 બેઠકો ગુમાવી હતી. મહાવિકાસ આઘાડીમાં કોંગ્રેસે સૌથી વધુ 63 બેઠકો જીતી હતી
આ પણ વાંચો:મહારાષ્ટ્ર ચૂંટણી પહેલા મોટો ધડાકો! 10,000 કરોડનું કૌભાંડ; કોંગ્રેસે ભાજપ પર નિશાન સાધ્યું
આ પણ વાંચો:મહારાષ્ટ્રમાં એક તબક્કામાં મતદાન, ઝારખંડમાં બે તબક્કામાં, પરિણામ 23 નવેમ્બરે આવશે
