પાકિસ્તાનના વડાપ્રધાન શહેબાઝ શરીફે ગુરુવારે નેશનલ એસેમ્બલીમાં Pak Politics વિશ્વાસ મત જીતીને બધાને ચોંકાવી દીધા હતા. સરકાર અને ટોચના ન્યાયતંત્ર વચ્ચે વધતી જતી તકરાર વચ્ચે આશ્ચર્યજનક હિલચાલમાં, 180 સાંસદોએ શરીફના નેતૃત્વમાં સંપૂર્ણ વિશ્વાસ વ્યક્ત કર્યો આથી પીએમ ઈમરાન ખાન પણ આશ્ચર્યમાં છે. શરીફને વિશ્વાસ મત જીતવા માટે શેહબાઝ માટે માત્ર 172 મતોની જરૂર હતી. પાકિસ્તાન પીપલ્સ પાર્ટી (PPP)ના વડા અને વિદેશ પ્રધાન બિલાવલ ભુટ્ટો ઝરદારીએ નીચલા ગૃહમાં વડા પ્રધાન શરીફના નેતૃત્વમાં સંપૂર્ણ વિશ્વાસનો પ્રસ્તાવ મૂક્યો હતો. આ પ્રસ્તાવને 342 સભ્યોની નેશનલ એસેમ્બલીમાં 180 સાંસદોએ ટેકો આપ્યો હતો.
એપ્રિલમાં શરીફને 174 સાંસદોનું સમર્થન હતું
ગયા વર્ષે એપ્રિલમાં જ્યારે શરીફ વડાપ્રધાન તરીકે ચૂંટાયા ત્યારે તેમને 174 સાંસદોનું સમર્થન હતું. Pak Politics વડા પ્રધાન શરીફે બાદમાં ગૃહને સંબોધિત કર્યું અને તેમનામાં વિશ્વાસ દર્શાવવા બદલ સાંસદોનો આભાર માન્યો. જો કે, અગાઉના માહિતી પ્રધાન મરિયમ ઔરંગઝેબે સોમવારે એવા અહેવાલોને ફગાવી દીધા હતા કે વડા પ્રધાન શરીફ ટોચના ન્યાયતંત્ર સાથેના સંઘર્ષ વચ્ચે સંસદમાં વિશ્વાસનો મત માંગશે. પંજાબ અને ખૈબર પખ્તુનખ્વામાં ચૂંટણીઓ યોજવા માટે પાકિસ્તાનના ચૂંટણી પંચ (ECP)ને ભંડોળ પૂરું પાડવા માટે સરકાર દ્વારા રજૂ કરાયેલા મની બિલને નેશનલ એસેમ્બલીએ નકારી કાઢ્યા બાદ શરીફ નવેસરથી વિશ્વાસનો મત માગશે તેવી અટકળો ચાલી રહી હતી.
નેશનલ એસેમ્બલી ઓગસ્ટમાં 5 વર્ષ પૂર્ણ કરશે
નેશનલ એસેમ્બલી આ વર્ષે ઓગસ્ટમાં તેનો પાંચ વર્ષનો કાર્યકાળ પૂર્ણ કરશે. Pak Politics બંધારણ મુજબ, નીચલા ગૃહના વિસર્જનના 90 દિવસની અંદર ચૂંટણી યોજવામાં આવશે. મતલબ કે ઓક્ટોબરના મધ્ય સુધીમાં ચૂંટણી યોજવી જોઈએ. પાકિસ્તાનમાં છેલ્લી સામાન્ય ચૂંટણી જુલાઈ 2018માં યોજાઈ હતી. ઈમરાન ખાનની પાકિસ્તાન તહરીક-એ-ઈન્સાફ (પીટીઆઈ) પ્રાંતીય એસેમ્બલીની ચૂંટણી માટે દબાણ કરી રહી છે. પરંતુ સરકાર દેશભરમાં એક સાથે ચૂંટણી કરાવવાના તેના સ્ટેન્ડ પર અડગ છે.
આ પણ વાંચોઃ છત્તીસગઢ હુમલો/ છત્તીસગઢ હુમલામાં શહીદ થયેલા દસમાંથી પાંચ જવાન ભૂતપૂર્વ નકસલી હતા
આ પણ વાંચોઃ સીધો સંદેશ/ સરહદે શાંતિ તો જ બંને દેશો વચ્ચે સંબંધો સામાન્ય થશેઃ રાજનાથની ચીનને સ્પષ્ટ વાત
આ પણ વાંચોઃ Tragedy/ ગુસ્સે ભરાયેલા ટોળાએ મણિપુરના સીએમ માટે તૈયાર કરાયેલા સ્થળમાં તોડફોડ કરી લગાવી આગ
આ પણ વાંચોઃ West Bengal/ બંગાળમાં વીજળી પડવાથી આઠ લોકોના મોત
