શિવાંગી જોશી અને મોહસીન ખાનની જોડી હંમેશા લોકોના દિલ જીતતી રહી છે. ટીવી શો યે રિશ્તા ક્યા કહેલાતા હૈમાં તેમની જોડીએ ચાર ચાંદ લગાવી દીધા હતા. જ્યારથી શિવાંગી જોશી અને મોહસીન ખાને શો છોડ્યો ત્યારથી, ચાહકો કહી રહ્યા હતા કે, આ જોડી ક્યારે ફરીથી તેમનું મનોરંજન કરશે.ગુરુવારે, આ બંને કલાકારોએ સોશિયલ મીડિયા પર જાહેરાત કરી છે કે, ટૂંક સમયમાં તેમનું નવું ગીત તેરી અદા ગીત રિલીઝ થવાનું છે. આ ગીતના સેટ પરથી મોહસીન ખાન અને શિવાંગી જોશીની ઘણી તસવીરો સામે આવી હતી, જે ઈન્ટરનેટ પર ખૂબ વાયરલ થઈ હતી. હવે તેરી અદાના સેટ પરથી મોહસીન અને શિવાંગીના બે નવા વીડિયો સામે આવ્યા છે. એક વીડિયો જોઈને ટીવીની અનુપમા એટલે કે અભિનેત્રી રૂપાલી ગાંગુલી કમેન્ટ કર્યા વિના રહી શકી નહીં.
DDLJની ધૂન પર રોમાંસ
પહેલા વીડિયોમાં મોહસીન ખાન અને શિવાંગી જોશી સરસોના ખેતરની વચ્ચે રોમાન્સ કરતા જોવા મળે છે. વીડિયોમાં મોહસીન ખાન બોલિવૂડ એક્ટર શાહરૂખ ખાનના આઇકોનિક પોઝને રિક્રિએટ કરી રહ્યો છે. આ વીડિયોની સાથે દિલવાલે દુલ્હનિયા લે જાયેંગેની ધૂન વાગી રહી છે. આ વીડિયો સામે આવતા જ શિવિનના ફેન્સ સતત કોમેન્ટ કરી રહ્યા છે. આ દરમિયાન અભિનેત્રી રૂપાલી ગાંગુલીએ પણ આ વીડિયો પર ટિપ્પણી કરી છે. અનુપમા સ્ટારે લખ્યું, ‘તમે બંને ખૂબ જ ક્યૂટ છો.. શાનદાર કેમિસ્ટ્રી.. હું તમને બંનેને સાથે જોવા માંગુ છું.’ આપને જણાવી દઈએ કે, શિવાંગી જોશી અને રૂપાલી ગાંગુલી એકબીજાની ખૂબ જ નજીક છે અને બંને ઘણી ઈવેન્ટ્સમાં પણ સાથે જોવા મળ્યા છે.
https://www.instagram.com/reel/CZysroCg802/?utm_source=ig_embed&ig_rid=01a1749f-1a29-4fd5-8d64-26d1b9b4772b
તેરી અદાનું ટીઝર આ દિવસે બહાર આવશે
શિવાંગી જોશી અને મોહસીન ખાન ભૂતકાળમાં એક મ્યુઝિક વિડિયો બારિશમાં પણ જોવા મળ્યા હતા અને આ ગીત લોકોને ખૂબ પસંદ આવ્યું હતું. આ જોડીના નવા ગીત તેરી અદા કી વિશે વાત કરીએ તો, તેનું પહેલું ટીઝર વેલેન્ટાઈન ડે (14 ફેબ્રુઆરી 2022) પર રિલીઝ થશે. તેરી અદા ગીતનું પહેલું પોસ્ટર આજે એટલે કે, શુક્રવારે રિલીઝ થશે. આ દિવસોમાં શિવાંગી જોશી અને મોહસીન ખાન આ ગીતના શૂટિંગમાં વ્યસ્ત છે.
