બોલીવુડ અભિનેતા સુશાંતસિંહ રાજપુતે ડાયરેક્ટર સંજયપૂર્ણસિંહ ચૌહાણની બહુચર્ચિત ફિલ્મ ચંદા મામા દૂરકે અંતે છોડી દીધી છે. સુંશાત આ ફિલ્મમાં એક એસ્ટ્રોનોટની ભૂમિકા ભજવવાનો હતો અને આ માટે તેણે તૈયારી પણ કરી લીધી હતી. ફિલ્મ માટે સુશાંત ઓગસ્ટમાં અમેરિકી અંતરીક્ષ એજન્સી નાસામાં ખાસ ટ્રેનિંગ માટે પણ ગયો હતો.
આ પહેલા ફિલ્મ પ્રોડ્યુસર વિકી રજાનીએ એક ફોટો પણ પોસ્ટ કર્યો હતો જેમાં સુશાંત સ્પેસ શૂટમાં જાવા મળ્યો હતો. ત્યારે હવે એવા અહેવાલ સામે આવ્યા છે કે અભિનેતા સુશાંતે આ ફિલ્મથી છેડો ફાડી દીધો છે. ડાયરેક્ટર સંજયે જણાવ્યુ કે, સતત શુટિંગમાં થઈ રહેલ વિલંબના કારણે સુશાંતે આ ફિલ્મ છોડી દીધી છે.
એક અગ્રણી સમાચાર પત્ર સાથે વાતચીત દરમિયાન સંજયે જણાવ્યુ કે, આ એક એવી બોલીવુડ ફિલ્મ હશે જે અત્યાર સુધી કોઈએ નહીં જાઈ હોય. સુશાંતે આ ફિલ્મ માટે ખૂબ મહેનત કરી હતી પરંતુ શુટિંગમાં થઈ રહેલ વિલંબના કારણે તેણે આ ફિલ્મ છોડી દીધી છે. જાકે સંજયે સ્પષ્ટ નથી કર્યુ કે સુશાંતે ફિલ્મ છોડ્યા બાદ હવે કોઈ નવા અભિનેતાને લેવામાં આવશે કે પછી આ પ્રોજેક્ટ પડતો મુકાશે.
