Silver vs Bitcoin: વૈશ્વિક બજારમાં અત્યારે ભારે ઉથલપાથલ જોવા મળી રહી છે. અમેરિકા અને યુરોપિયન યુનિયન (EU) વચ્ચે વધતા ટ્રેડ ટેન્શન અને ટેરિફ (જકાત) ના જોખમો વચ્ચે રોકાણકારો હવે પરંપરાગત સુરક્ષિત રોકાણ ગણાતી ધાતુઓ તરફ વળી રહ્યા છે. આ રેસમાં અત્યારે ચાંદી (Silver) એ બિટકોઈન અને સોનાને પણ પાછળ છોડી દીધા છે.
Silver vs Bitcoin: ચાંદીનો ઐતિહાસિક ઉછાળો
ચાંદીની કિંમત (XAG) બજારના નિષ્ણાતોને પણ ચોંકાવી દે તે રીતે $94 પ્રતિ ઔંસ ના ઓલ-ટાઇમ હાઈ લેવલ પર પહોંચી ગઈ છે. ચાંદીની સાથે સોનામાં પણ જોરદાર તેજી જોવા મળી રહી છે અને તેના ભાવ પણ $4700 પ્રતિ ઔંસ ની નજીક પહોંચ્યા છે. બીજી તરફ, ‘ડિજિટલ ગોલ્ડ’ ગણાતો બિટકોઈન અત્યારે $91,000 ના સ્તરે સ્થિર છે, જે ચાંદી અને સોનાની સરખામણીએ હાલ ઘણો સુસ્ત દેખાઈ રહ્યો છે.
Silver vs Bitcoin: કોણ કેટલું વધ્યું?
ટ્રેડિંગ વ્યૂના ડેટા અનુસાર છેલ્લા એક મહિનામાં બંને એસેટ્સના દેખાવમાં જમીન-આસમાનનો તફાવત જોવા મળ્યો છે. ચાંદીની કિંમતમાં એક મહિનામાં 36.55% નો જંગી વધારો થયો છે, જ્યારે તેની સામે બિટકોઈનમાં તે જ સમયગાળા દરમિયાન માત્ર 3.28% નો નજીવો વધારો નોંધાયો છે.
શું બિટકોઈન પડી ભાંગશે? નિષ્ણાતોના અલગ-અલગ મત
બિટકોઈનના જાણીતા ટીકાકાર પીટર શિફે ચેતવણી આપી છે કે કિંમતી ધાતુઓમાં આવેલી આ તેજી બિટકોઈન માટે ‘ઘાતક’ સાબિત થઈ શકે છે. તેમણે તો ત્યાં સુધી કહ્યું કે ચાંદીની તેજી બિટકોઈનને ‘કેટાસ્ટ્રોફિક કોલેપ્સ’ (મોટા પતન) તરફ દોરી જશે.
જોકે, ક્રિપ્ટો માર્કેટના સમર્થકો હજુ પણ આશાવાદી છે. કેટલાક નિષ્ણાતોનું કહેવું છે કે જો બિટકોઈન ચાંદીની જેમ તેજી બતાવે, તો તે 2026 સુધીમાં $400,000 ના સ્તરને આંબી શકે છે. પરંતુ વોલ સ્ટ્રીટના એનાલિસ્ટ્સ માને છે કે બિટકોઈન અને ચાંદી બંને તદ્દન અલગ એસેટ છે અને તેમની સરખામણી કરવી યોગ્ય નથી.
Silver vs Bitcoin: કેમ વધી રહ્યા છે ચાંદીના ભાવ?
અમેરિકા અને યુરોપ વચ્ચે ગ્રીનલેન્ડના મામલે વધી રહેલી ભૌગોલિક તંગદિલી અને વેપાર નીતિઓમાં અનિશ્ચિતતાને કારણે રોકાણકારો ફિઝિકલ મેટલ્સ (સોનું-ચાંદી) પર ભરોસો મૂકી રહ્યા છે. જેના કારણે લંડન અને અન્ય મોટા બજારોમાંથી સપ્લાય ઘટી રહ્યો છે અને કિંમતો આસમાને પહોંચી છે.
આ પણ વાંચો: ભારત-અમેરિકા વેપાર કરાર પર વાતચીત, શું ભારતમાંથી 25% વધારાનો ટેરિફ દૂર થશે?
આ પણ વાંચો: વેપાર કરારોને ધ્યાનમાં રાખીને કેન્દ્રએ અજય ભાદુનો DGFTતરીકેનો કાર્યકાળ લંબાવ્યો
આ પણ વાંચો: ભારત અને અમેરિકા વચ્ચેના વચગાળાના વેપાર કરારને આગામી 48 કલાકમાં અંતિમ સ્વરૂપ અપાય તેવી શક્યતા
