મહારાષ્ટ્રનું રાજકારણ નવું વળાંક લેતા હોય તેવું લાગી રહ્યું છે. કોંગ્રેસના ધારાસભ્યોએ સંકેત આપ્યો છે કે તેઓ શિવસેના સાથે સરકાર બનાવવા માટે તૈયાર છે. જણાવી દઈએ કે કોંગ્રેસના ધારાસભ્યો હાલમાં રાજસ્થાનની રાજધાની જયપુરની એક હોટલમાં રોકાઈ રહ્યા છે. રવિવારે કોંગ્રેસના વરિષ્ઠ નેતા મલ્લિકાર્જુન ખડગે આ ધારાસભ્યો સાથે વાત કરી હતી. આ દરમિયાન કોંગ્રેસના 40 ધારાસભ્યો ઉપસ્થિત રહ્યા હતા. આ સમય દરમિયાન એ વાત સામે આવી છે કે કોંગ્રેસના ધારાસભ્યો શિવસેનાની સાથે મહારાષ્ટ્રમાં પણ સરકાર બનાવવા તૈયાર છે.
સૂત્રોના જણાવ્યા અનુસાર હવે મલ્લિકાર્જુન ખડગે આ મુદ્દે કોંગ્રેસ અધ્યક્ષ સોનિયા ગાંધી સાથે વાત કરશે. સોનિયા આ અંગે શું નિર્ણય લે છે તેના આધારે મહારાષ્ટ્રના રાજકારણ માટેનો રોડમેપ તૈયાર કરવામાં આવશે. જો સોનિયા ગાંધી શિવસેના સાથે સરકાર બનાવવા માટે સંમત થાય છે, તો તે એક નવા રાજકીય પ્રકરણની શરૂઆત હશે.
એવું પણ જાણવા મળ્યું છે કે કોંગ્રેસ નવી સરકારને બહારથી ટેકો આપવા માંગતી નથી, પરંતુ સરકારમાં જોડાવા માંગે છે. કોંગ્રેસના ધારાસભ્યો સાથેની બેઠક દરમિયાન રાજસ્થાનના સીએમ અશોક ગેહલોત પણ હાજર હતા. આ ઉપરાંત મહારાષ્ટ્ર કોંગ્રેસના પ્રમુખ બાલ થોરાટ પણ ત્યાં હાજર હતા.
ધારાસભ્યો સાથે વાત કર્યા પછી મલ્લિકાર્જુન ખડગે કહ્યું કે તેઓ ધારાસભ્યોનો હેતુ સોનિયા સુધી પહોંચાડશે. સોનિયા ગાંધી સાથે વાત કર્યા પછી જ આ મુદ્દા પર અંતિમ નિર્ણય લેવામાં આવશે.આ વખતે કોંગ્રેસના 44 ધારાસભ્યો ચૂંટણી જીત્યા છે, જ્યારે મહારાષ્ટ્ર વિધાનસભાની 288 બેઠકો પર એનસીપીના 54 ધારાસભ્યો ચૂંટણી જીત્યા છે. ભાજપ પાસે 105 ધારાસભ્યો છે, જ્યારે શિવસેનાએ 56 બેઠકો જીતી લીધી છે.
આજે શિવસેનાના નેતા સંજય રાઉતે કહ્યું હતું કે કોંગ્રેસ મહારાષ્ટ્રની દુશ્મન નથી. તેમણે કહ્યું કે કોંગ્રેસ-શિવસેના દુશ્મન નથી. સંજય રાઉતે પ્રેસ કોન્ફરન્સમાં કહ્યું કે, કોંગ્રેસ રાજ્યની દુશ્મન નથી, આપણી પાસે રાજકીય મતભેદો છે, પરંતુ અમે દુશ્મન તો નથી જ.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
