દુબઈ,
દુનિયાની મહિલા ક્રિકેટરો માટે ઇન્ટરનેશનલ ક્રિકેટ કાઉન્સિલ (ICC) દ્વારા મહત્વના સમાચાર સામે આવી રહ્યા છે. ચાર વર્ષ બાદ એટલે કે ૨૦૨૨માં ઈંગ્લેંડના બર્મિઘમમાં રમાનારી કોમનવેલ્થ ગેમ્સમાં મહિલા ટી-૨૦ ક્રિકેટને સમાવવાની તૈયારીઓ કરવામાં આવી છે.
૨૦૨૨માં રમનારી કોમનવેલ્થ ગેમ્સ માટે ICC દ્વારા બીડ જમા કરાવવામાં આવી છે અને આ બીડને ઈંગ્લેંડ અને વેલ્સ ક્રિકેટ બોર્ડ સાથે ભાગીદારી કરીને બનાવવામાં આવી છે.
BREAKING – ICC bids for Women's Cricket at the #Birmingham2022 Commonwealth Games! @birminghamcg22
'Cricket and the Commonwealth are inextricably linked and almost perfectly aligned' – ICC CEO David Richardson.
DETAILS ⬇️https://t.co/1l3PguVZf1 pic.twitter.com/2Ivf0gY8kz
— ICC (@ICC) November 26, 2018
આ સાથે જ ૨૦૨૨માં મહિલા ક્રિકેટરો ચોક્કા-છક્કા ફટકારતી જોવા મળી શકે છે અને દુનિયાભરની મહિલા ટીમો આ ગેમ્સમાં ચેમ્પિયન બનવા માટે એકબીજા સામે ટકરાશે.
અત્રે ઉલ્લેખનીય છે કે, ક્રિકેટની રમતને માત્ર એક જ વાર કોમનવેલ્થ ગેમ્સમાં ભાગ બનાવવામાં આવી છે. આ પહેલા વર્ષ ૧૯૯૮માં મેન્સ ક્રિકેટ ટીમને મલેશિયામાં રમાયેલા આ ગેમ્સમાં ભાગ બનાવાઈ હતી. આ ગેમ્સમાં દક્ષિણ આફ્રિકાની ટીમ ચેમ્પિયન બની હતી.
