શેરબજારે સતત ચોથા દિવસે નવો ઈતિહાસ રચ્યો છે. સેન્સેક્સ 80000 ના સ્તર તરફ મજબૂતીથી આગળ વધ્યો છે. જ્યારે નિફ્ટી 25000 તરફ આગળ વધ્યો છે. આજે બીએસઈના 30 શેરોવાળા સંવેદનશીલ ઈન્ડેક્સ સેન્સેક્સ પ્રથમ વખત 79457 ના સ્તર પર ખુલ્યા છે. જ્યારે નિફ્ટી 41 પોઈન્ટ વધીને 24085 પર છે.સેન્સેક્સે આજે ફરી 79424ની નવી ઊંચી સપાટી બનાવી છે.
આજે પણ રેકોર્ડ ઊંચાઈ પર ખુલ્યાની થોડી જ મિનિટો બાદ શેરબજારે સતત ચોથા દિવસે નવો ઈતિહાસ રચ્યો છે. સેન્સેક્સે આજે ફરી 79546ની નવી ઊંચી સપાટી બનાવી છે. જ્યારે નિફ્ટી 24124 સુધી પહોંચી ગયો હતો. ડૉ. રેડ્ડી લેબ્સ, ડિવિસ લેબ્સ, ઓએનજીસી, હિન્દાલ્કો અને કોલ ઈન્ડિયા જેવા શેરો નિફ્ટીના ટોપ ગેનર્સમાં હતા. જ્યારે અલ્ટ્રાટેક સિમેન્ટ, ગ્રાસિમ, મહિન્દ્રા એન્ડ મહિન્દ્રા, અદાણી પોર્ટ્સ અને મારુતિ સૌથી વધુ ગુમાવનારા હતા.
આજે, શુક્રવારે, આ મહિનાના છેલ્લા ટ્રેડિંગ દિવસે, ભારતીય ઇક્વિટી બેન્ચમાર્ક સૂચકાંકો સેન્સેક્સ અને નિફ્ટી 50 તેમના ઉપરનું વલણ ચાલુ રાખવાની અને રેકોર્ડ સ્તરે ખુલવાની અપેક્ષા છે. કારણ કે, આજે એશિયન બજારોમાં તેજી રહી હતી, જ્યારે અમેરિકન શેરબજારના સૂચકાંકો ટ્રેઝરી યીલ્ડમાં ઘટાડાને કારણે નજીવા વધારા સાથે બંધ થયા હતા.
જણાવી દઈએ કે 27 જૂન, 2024ના રોજ સેન્સેક્સ 79396.03ની નવી ટોચે પહોંચ્યો હતો અને નિફ્ટી 50 એ 24087.45ની સપાટીને સ્પર્શ્યો હતો. અગાઉ 26 જૂનના રોજ સેન્સેક્સ 78759.4ની નવી ઓલ-ટાઇમ હાઈ અને નિફ્ટી 23,889.90ની સપાટીએ પહોંચ્યો હતો. જ્યારે 25 જૂને સેન્સેક્સે 78164.71ની નવી ઓલ-ટાઇમ હાઈ બનાવી અને નિફ્ટીએ 23,754.15 પર પહોંચીને ઈતિહાસ રચ્યો.
આ પણ વાંચો:CBI દ્વારા કેજરીવાલની ધરપકડ, બેવડા કેસમાંથી બચવું મુશ્કેલ…
આ પણ વાંચો:ભારતના ઇતિહાસમાં આજે મહત્વનો દિવસ, સ્પીકર પદ માટે થશે ચૂંટણી, ઓમ બિરલા Vs. કે. સુરેશ
આ પણ વાંચો:રાહુલ ગાંધીએ હાથમાં બંધારણની કોપી હાથમાં લઈ શપથ લીધા, ખુરશીની પાછળ ઉભેલા માર્શલ સાથે મિલાવ્યો હાથ
