વૈશ્વિક મહામારી કોરોનાના સંક્રમણ વચ્ચે માતા-પિતા ધો. 10 -12ની પરીક્ષાને લઇ ચિંતિત હતા. કોરોના કાળમાં જો પરીક્ષાઓ લેવામાં આવે તો તે બાળકોના સ્વાસ્થ્ય સાથે ચેડા કરવાનું જોખમ લેવા બરાબર હતું. તો વિધર્થિઓ પણ પરીક્ષાઓના નિર્ણયને લઇ મોટી અસમંજસ માં હતા.
મંગળવારે જ્યારે વડા પ્રધાન નરેન્દ્ર મોદીએ CBSE ની ધો. 12 બોર્ડની પરીક્ષા રદ કરવાનો નિર્ણય જાહેર કર્યો ત્યારે માતાપિતાને રાહત થઈ હતી. તે જ સમયે, વિદ્યાર્થીઓ પણ પરીક્ષાના તણાવથી મુકત થતાં જ તેઓ પણ ખૂબ આનંદના મૂડમાં પણ જોવા મળ્યાં હતાં.
માતાપિતા કહે છે કે લાંબા સમય પછી તેમના બાળકો હળવા અને ખુશ દેખાઈ રહ્યા છે. આ સાથે, મનોરંજક ટ્વીટ્સ અને રીટ્વીટ, મીમ્સ પણ વાયરલ થયા હતા. વડા પ્રધાન નરેન્દ્ર મોદીની પરીક્ષા રદ કરવાની ઘોષણાના ટ્વિટ પર, વિદ્યાર્થીઓએ રીટ્વીટ કરીને ખૂબ જ મજા કરી હતી, જ્યારે તેઓએ રમૂજી પોસ્ટ કરી છે.
PM નરેન્દ્ર મોદીના ટ્વીટ પર, કૂકી અગ્રવાલ નામના યુવકનું રીટ્વીટ વોટ્સએપ સ્ટેટસ, ફેસબુક વગેરે પર જોરદાર શેર કરવામાં આવ્યું છે. જેમાં તે લખે છે , સર ફેરવેલ તો કર દો .. 12-B ના કલાસની નેહાને સાડીમાં જોવી છે. બીજા ટ્વિટમાં પણ લખ્યું કે નેહા માત્ર નામ જ નથી પરંતુ લાગણી છે. આ પછી, યુવકે એક વીડિયો બનાવ્યો અને કહ્યું કે તેણે આઠ વર્ષ પહેલા 12 મુ પાસ કરી ચુક્યો છે.
યુઝર્સ વિદ્યાર્થીઓના રીટ્વીટસનાં સ્ક્રીનશોટનાં મેમ્સ બનાવીને ઘણું વાયરલ કરી રહ્યાં છે. આટલું જ નહીં, એક વિદ્યાર્થીએ સોનુ સૂદને ટેગ કર્યા અને ફેરવેલ પાર્ટીની માંગ કરી છે. તે જ સમયે, એક વિદ્યાર્થીએ લખ્યું કે વડા પ્રધાન મજા કરાવી દીધી છે. માતાપિતાએ તેમના વ્હોટ્સએપ સ્ટેટસ પર મીમ્સ સ્ક્રીનશોટ મુક્યા છે.
ટોપર્સના મનમાં અફસોસ
પરીક્ષા રદ થવાને કારણે મોટાભાગના વિદ્યાર્થીઓ હળવા થઈ ગયા છે, ત્યારે કેટલાક વિદ્યાર્થીઓના મનમાં અફસોસની લાગણી જોવા મળી રહી છે. તેમનું કહેવું છે કે આવી સ્થિતિમાં પરીક્ષાઓ લેવી યોગ્ય નથી અને વડા પ્રધાનનો નિર્ણય યોગ્ય છે, પરંતુ વર્ષની શરૂઆતથી તેઓ પોતાના મનમાં ટોપર્સ બનવાની તૈયારીમાં લગાવ્યું હતું. કોરોનાને કારણે તે સ્વપ્ન પૂર્ણ થશે નહીં .
પરીક્ષા પે ચર્ચ કાર્યક્રમમાં ભાગ લેવા માટે પસંદ કરાયેલા જિલ્લાના નવ વિદ્યાર્થીઓ પણ પરીક્ષાઓ આપવા માટે ખૂબ ઉત્સાહિત હતા, પરંતુ તેમને પણ આરોગ્ય સલામતી માટે પરીક્ષાઓને રદ કરવાના નિર્ણયને વ્યાજબી ગણાવ્યો છે. વિદ્યાર્થી અનન્યા મધુર શર્માએ જણાવ્યું હતું કે જો તમે સ્વસ્થ રહેશો અને જીવન સલામત રહેશે તો જીવનમાં ટોપર બનવાની ઘણી તકો મળશે.
વડા પ્રધાન નરેન્દ્ર મોદીએ વિદ્યાર્થીઓના હિતમાં યોગ્ય નિર્ણય લીધો છે. માતાપિતાએ આ નિર્ણયને આવકાર્યો છે. પરીક્ષા રદ કરવાનો નિર્ણય લીધા બાદ વાલીઓ પણ હળવા થઈ ગયા છે અને વિદ્યાર્થીઓની ચિંતા પણ ઓછી થઈ છે. જે વિદ્યાર્થીઓ તેમના માર્કસથી સંતુષ્ટ નથી, તેઓ પછીથી પરીક્ષા આપી શકશે.
