Sub-inspector Swallows Notes: લાંચ લેતા ઝડપાયેલા સબ ઈન્સ્પેક્ટરનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં હરિયાણા સ્ટેટ વિજિલન્સ ટીમનો દરોડો બતાવવામાં આવ્યો છે. ધરપકડ કરાયેલા આરોપીની ઓળખ સબ ઈન્સ્પેક્ટર મહેન્દ્ર પાલ તરીકે થઈ છે. તેઓ સેક્ટર-3 પોસ્ટ પર તૈનાત હતા. મીડિયા રિપોર્ટ્સ અનુસાર, આરોપીએ ભેંસના કેસમાં સમાધાન કરવા માટે પીડિત પક્ષ પાસેથી 4,000 રૂપિયાની માંગણી કરી હતી. વીડિયોમાં જોઈ શકાય છે કે ઈન્સ્પેક્ટર લાંચના પૈસા ગળી જવાનો પ્રયાસ કરી રહ્યો છે. આ દરમિયાન આરોપીના મોઢામાંથી પૈસા કાઢવા માટે ટીમને ઘણો સંઘર્ષ કરવો પડ્યો હતો. ટીમના સભ્યો આરોપીનું મોઢું ખોલવાનો પ્રયાસ કરતા રહ્યા.
વિજિલન્સ ટીમ આ મામલાની તપાસમાં લાગેલી છે. ટીમના સભ્યોને સૂત્રો પાસેથી માહિતી મળી હતી કે ઈન્સ્પેક્ટર લાંચ લેવાનો છે. ટીમના સભ્યો પહેલાથી જ તે સ્થળે હાજર હતા. જેવી ટીમે દરોડો પાડ્યો કે તરત જ ઈન્સ્પેક્ટરે બધી નોટો મોંમાં નાખીને ગળી જવાની કોશિશ કરી. આ દરમિયાન આરોપીના પુત્રએ પણ ટીમને ધક્કો માર્યો હતો.
આ પણ વાંચો: account fraud/દિલ્હીમાં 4 આરોપીઓ ઝડપાયા, નાણામંત્રીની બનાવટી સહી કરીને 3000 લોકોને છેતર્યા
