Indian Premier League 2025: ઇન્ડિયન પ્રીમિયર લીગ (IPL) 2025 ના મેચ નંબર-2 માં સનરાઇઝર્સ હૈદરાબાદ (SRH) અને રાજસ્થાન રોયલ્સ (RR) વચ્ચે ટક્કર થઈ. હૈદરાબાદના રાજીવ ગાંધી ઇન્ટરનેશનલ સ્ટેડિયમ ખાતે રમાયેલી આ મેચમાં SRH એ 44 રનથી જીત મેળવી. રાજસ્થાન રોયલ્સ સામે જીતવા માટે 287 રનનો લક્ષ્યાંક હતો, જેનો પીછો કરતી વખતે તેઓ છ વિકેટે માત્ર 242 રન જ બનાવી શક્યા.

લક્ષ્યનો પીછો કરતી વખતે રાજસ્થાન રોયલ્સની (RR) શરૂઆત ખરાબ રહી હતી. તેણે બીજી જ ઓવરમાં બે વિકેટ ગુમાવી દીધી. પેસર સિમરજીત સિંહે પહેલા યશસ્વી જયસ્વાલ (1) ને આઉટ કર્યો. ત્યારબાદ તેણે સુકાની રિયાન પરાગ (4) ને સસ્તામાં આઉટ કર્યો. ત્યારબાદ મોહમ્મદ શમીએ નીતિશ રાણાને આઉટ કરીને રાજસ્થાનનો સ્કોર ત્રણ વિકેટે 50 સુધી પહોંચાડ્યો. અહીંથી, ‘ઇમ્પેક્ટ સબ’ સંજુ સેમસન અને ધ્રુવ જુરેલે સાથે મળીને ઇનિંગ્સની કમાન સંભાળી. બંને વચ્ચે 111 રનની ભાગીદારી થઈ. આ ભાગીદારી હર્ષલ પટેલે તોડી હતી, જેણે સંજુ સેમસનને આઉટ કર્યો હતો.

સંજુ સેમસને 37 બોલમાં 66 રન બનાવ્યા, જેમાં સાત ચોગ્ગા અને ચાર છગ્ગાનો સમાવેશ થાય છે. ત્યારબાદ સ્પિનર ​​એડમ ઝામ્પાએ પણ ધ્રુવ જુરેલની ઇનિંગનો અંત લાવ્યો. જુરેલે 200 ના સ્ટ્રાઇક રેટથી 70 રન બનાવ્યા. આ દરમિયાન જુરેલે પાંચ ચોગ્ગા અને છ છગ્ગા ફટકાર્યા. પાંચ વિકેટ પડ્યા પછી, શિમરોન હેટમાયર અને શુભમ દુબે વચ્ચે 80 રનની તોફાની ભાગીદારી થઈ, પરંતુ મોટા લક્ષ્યને કારણે, મેચ ત્યાં સુધીમાં રાજસ્થાનના હાથમાંથી નીકળી ગઈ હતી.

6️⃣,6️⃣,6️⃣

Shubham Dubey in the middle with scintillating strokes 🔥

Updates ▶️ https://t.co/ltVZAvInEG#TATAIPL | #SRHvRR pic.twitter.com/S9Skf0H5Po

— IndianPremierLeague (@IPL) March 23, 2025

શિમરોન હેટમાયરે 23 બોલમાં 42 રન બનાવ્યા. હેટમાયરને ઝડપી બોલર હર્ષલ પટેલે રન આઉટ કર્યો. જ્યારે શુભમ દુબે 11 બોલમાં 34 રન બનાવીને અણનમ રહ્યો. શુભમ અને હેટમાયર બંનેએ પોતાની ઇનિંગ્સમાં 4 છગ્ગા અને 1 ચોગ્ગો ફટકાર્યો. સનરાઇઝર્સ હૈદરાબાદ તરફથી સિમરજીત સિંહ અને હર્ષલ પટેલે બે-બે વિકેટ લીધી.

SRH એ બીજો સૌથી વધુ સ્કોર બનાવ્યો, ઈશાન કિશને મેચમાં સદી ફટકારી

સનરાઈઝર્સ હૈદરાબાદે ટોસ હારીને પ્રથમ બેટિંગ કરતા 6 વિકેટે 286 રન બનાવ્યા. આ IPLના ઇતિહાસમાં કોઈપણ ટીમ દ્વારા બનાવેલ બીજો સૌથી મોટો સ્કોર હતો. IPLના ઇતિહાસમાં સૌથી વધુ સ્કોર સનરાઇઝર્સ હૈદરાબાદ દ્વારા બનાવવામાં આવ્યો છે. ગયા વર્ષે, હૈદરાબાદે આ જ મેદાન પર રોયલ ચેલેન્જર્સ બેંગ્લોર (RCB) સામે 3 વિકેટ ગુમાવીને 287 રન બનાવ્યા હતા.

સનરાઇઝર્સ હૈદરાબાદની શરૂઆત શાનદાર રહી. ટ્રેવિસ હેડ અને અભિષેક શર્માએ 19 બોલમાં 45 રનની ભાગીદારી કરી. અભિષેક ૧૧ બોલમાં પાંચ ચોગ્ગા સહિત ૨૪ રન બનાવીને આઉટ થયો. સ્પિનર ​​મહિષ તીક્ષણાની બોલિંગમાં યશસ્વી જયસ્વાલના હાથે અભિષેકને કેચ આઉટ કરાવ્યો. ઈશાન આઉટ થયા પછી, ઈશાન કિશને હેડ સાથે મળીને બાજી સંભાળી અને બંનેએ 38 બોલમાં 85 રનની ભાગીદારી કરી. આ દરમિયાન હેડે માત્ર 21 બોલમાં પોતાની ફિફ્ટી પૂરી કરી. તુષાર દેશપાંડેએ હેડને આઉટ કરીને આ ભાગીદારી તોડી.

ટ્રેવિસ હેડ 31 બોલમાં 67 રન બનાવીને આઉટ થયો હતો. હેડે પોતાની ઇનિંગમાં 9 ચોગ્ગા અને ત્રણ છગ્ગા ફટકાર્યા હતા. હેડ આઉટ થયા પછી, નીતિશ કુમાર રેડ્ડીએ ઇશાન કિશન સાથે કમાન સંભાળી. બંને વચ્ચે ત્રીજી વિકેટ માટે 72 રનની ભાગીદારી થઈ. ૩૦ રન બનાવીને મહેશ તીક્ષનાના બોલ પર નીતિશ આઉટ થયો હતો. નીતિશ આઉટ થયા પછી પણ રાજસ્થાનની મુશ્કેલીઓ ઓછી ન થઈ કારણ કે હેનરિક ક્લાસેન ક્રીઝ પર આવ્યો. ક્લાસેન અને ઈશાને સાથે મળીને રનનો વરસાદ વરસાવ્યો. ક્લાસેન 14 બોલમાં 34 રન બનાવીને આઉટ થયો હતો.

હેનરિક ક્લાસેન આઉટ થયા પછી તરત જ ઇશાન કિશને (Ishan Kishan) પોતાની સદી પૂર્ણ કરી. સનરાઇઝર્સ હૈદરાબાદ માટે પોતાની પહેલી મેચ રમી રહેલા ઇશાને 45 બોલમાં પોતાની સદી પૂરી કરી. ઈશાન 46 બોલમાં 106 રન બનાવીને અણનમ રહ્યો. આ દરમિયાન ઈશાન કિશને 11 ચોગ્ગા અને 6 છગ્ગા ફટકાર્યા. રાજસ્થાન રોયલ્સ તરફથી તુષાર દેશપાંડેએ સૌથી વધુ ત્રણ વિકેટ લીધી. જ્યારે મહેશ તીક્ષણાને બે સફળતા મળી. સંદીપ શર્માને પણ એક વિકેટ મળી.

IPLમાં સૌથી વધુ સ્કોર
287/3 – SRH વિરુદ્ધ રોયલ ચેલેન્જર્સ બેંગ્લોર, બેંગલુરુ, 2024
286/6 – SRH વિરુદ્ધ રાજસ્થાન રોયલ્સ, હૈદરાબાદ, 2025
277/3 – SRH વિરુદ્ધ મુંબઈ ઇન્ડિયન્સ, હૈદરાબાદ, 2024
272/7 – KKR વિરુદ્ધ દિલ્હી કેપિટલ્સ, વિશાખાપટ્ટનમ, 2024
266/7 – SRH વિરુદ્ધ દિલ્હી કેપિટલ્સ, દિલ્હી, 2024
263/5 – RCB વિરુદ્ધ પુણે વોરિયર્સ, બેંગલુરુ, 2013

IPLમાં સૌથી મોંઘી બોલિંગ
0/76- જોફ્રા આર્ચર (RR) વિરુદ્ધ સનરાઇઝર્સ હૈદરાબાદ, હૈદરાબાદ, 2025
0/73- મોહિત શર્મા (GT) વિરુદ્ધ દિલ્હી કેપિટલ્સ, દિલ્હી, 2024
0/70- બેસિલ થમ્પી (SRH) વિરુદ્ધ રોયલ ચેલેન્જર્સ બેંગ્લોર, બેંગ્લોર, 2018
0/69- યશ દયાલ (GT) વિરુદ્ધ કોલકાતા નાઈટ રાઇડર્સ, અમદાવાદ, 2023
1/68- રીસ ટોપલી (RCB) વિરુદ્ધ સનરાઇઝર્સ હૈદરાબાદ, બેંગ્લોર, 2024
1/68- લ્યુક વુડ (MI) વિરુદ્ધ દિલ્હી કેપિટલ્સ, દિલ્હી, 2024

આ પણ વાંચો: IPL 2025: અમદાવાદના મેચોની ઓફલાઇન ટિકિટોનું વેચાણ શરૂ, ગુજરાત ટાઇટન્સના ફેન્સ માટે સરપ્રાઈઝ

આ પણ વાંચો: T20 નિવૃત્તિ અને ટેસ્ટમાંથી નિવૃત્તિનો યુ-ટર્ન, IPL 2025 પહેલા વિરાટ કોહલીએ આપ્યું આશ્ચર્યજનક નિવેદન

આ પણ વાંચો: IPL 2025 માટે તમામ 10 ટીમોના કેપ્ટનની પુષ્ટિ , 5 ટીમો નવા કેપ્ટનો સાથે રમશે