Surat News: સુરતમાં સગીર વિદ્યાર્થિની સાથે દુષ્કર્મ (Surat Minor Student Rape Case) આચર્યું હોવાના આરોપસર પોલીસે 24 વર્ષીય યુવકની ધરપકડ કરી છે. ફરિયાદ મુજબ, આરોપી યુવક સગીરાને મળવા માટે બાગમાં બોલાવ્યા બાદ ‘શાંત જગ્યાએ વાત કરવા’ના બહાને પોતાની મોપેડ પર લઈ ગયો હતો. ત્યારબાદ તેને મોરાભાગળ વિસ્તારમાં આવેલી હોટેલમાં લઈ ગયો હોવાનો આક્ષેપ છે.
આ ઘટનાને પગલે સગીરાના પરિવારજનોએ અઠવાલાઇન્સ પોલીસનો સંપર્ક કર્યો હતો. પોલીસે ફરિયાદના આધારે આરોપી વિરુદ્ધ દુષ્કર્મ (Surat Minor Student Rape Case) અને પોક્સો સહિતની સંબંધિત કલમો હેઠળ ગુનો નોંધી કાયદેસરની કાર્યવાહી શરૂ કરી છે.
ગાર્ડનમાં મળ્યા બાદ યુવક સગીરાને સાથે લઈ ગયો
પોલીસ ફરિયાદ મુજબ, સુરતના સલાબતપુરા વિસ્તારમાં રહેતી 16 વર્ષીય ધોરણ-12ની વિદ્યાર્થિનીનો પરિચય બેગમપુરા વિસ્તારમાં રહેતા 24 વર્ષીય શરીફ શેખ સાથે હતો.
મળતી માહિતી પ્રમાણે, 24 સપ્ટેમ્બરની સાંજે શરીફે સગીરાને દયાળજી બાગ ખાતે મળવા માટે બોલાવી હતી. બંને થોડો સમય ત્યાં બેઠા બાદ આરોપીએ ત્યાં ભીડ હોવાનું કહી અન્ય કોઈ શાંત જગ્યાએ વાત કરવા માટે જવાનું કહ્યું હતું. આરોપી પોતાની મોપેડ પર સગીરાને બેસાડીને મોરાભાગળ બોટનિકલ ગાર્ડન પાછળના વિસ્તારમાં આવેલી એક હોટેલમાં લઈ ગયો હોવાનો ફરિયાદમાં આક્ષેપ કરવામાં આવ્યો છે.
Surat Minor Student Rape Case: હોટેલમાં દુષ્કર્મનો આક્ષેપ
ફરિયાદમાં કરવામાં આવેલા આક્ષેપ મુજબ, હોટેલમાં આરોપીએ સગીરાની મરજી વિરુદ્ધ દુષ્કર્મ (Surat Minor Student Rape Case) આચર્યું હતું. ઘટના બાદ આરોપી સગીરાને મોપેડ પર રાંદેર રામનગર નજીક લઈ આવ્યો હતો. ત્યારબાદ તેને રિક્ષામાં બેસાડીને ઘરે જવા કહ્યું હતું અને પોતે ત્યાંથી જતો રહ્યો હતો. ઘટનાથી સગીરા ભારે આઘાતમાં આવી ગઈ હોવાનું પરિવારજનોને જાણવા મળ્યું હતું.
ઘરે પહોંચવામાં મોડું થતાં પરિવારને શંકા ગઈ
સગીરા મોડી રાત્રે ઘરે પરત ફરી હતી. તેની ગભરાયેલી હાલત જોઈ પરિવારજનોને શંકા ગઈ હતી. પરિવારજનોએ પ્રેમપૂર્વક પૂછપરછ કરતાં સગીરાએ રડીને સમગ્ર ઘટના અંગે તેમને જાણ કરી હતી. બનાવની ગંભીરતા સમજાયા બાદ પરિવારજનોએ તાત્કાલિક પોલીસનો સંપર્ક કર્યો હતો.
અઠવાલાઇન્સ પોલીસે આરોપીની ધરપકડ કરી
સગીરાના પરિવારજનની ફરિયાદના આધારે અઠવાલાઇન્સ પોલીસે આરોપી શરીફ શેખ વિરુદ્ધ ગુનો નોંધ્યો છે. પોલીસ દ્વારા દુષ્કર્મ (Surat Minor Student Rape Case) તેમજ સગીરાની સુરક્ષા સંબંધિત પોક્સો કાયદા હેઠળ કાર્યવાહી હાથ ધરવામાં આવી છે. પોલીસે આરોપીની ધરપકડ કરી વધુ તપાસ શરૂ કરી છે. તપાસ દરમિયાન ઘટનાસ્થળ, હોટેલ સહિતના સ્થળોની માહિતી અને અન્ય પુરાવા એકત્ર કરવામાં આવી રહ્યા છે.
સગીરાની ઓળખ જાહેર કરવી કાયદેસર રીતે પ્રતિબંધિત
આ સમગ્ર મામલામાં પીડિતા સગીર હોવાથી તેની ઓળખ જાહેર કરવામાં આવતી નથી. કાયદા મુજબ સગીર જાતીય અત્યાચાર પીડિતાની ઓળખ છતી કરતી વિગતો પ્રકાશિત કરવી ટાળવી જરૂરી છે. હાલ પોલીસ દ્વારા ફરિયાદમાં કરવામાં આવેલા આક્ષેપોના આધારે તપાસ આગળ વધારવામાં આવી રહી છે અને કેસની કાયદેસરની પ્રક્રિયા હાથ ધરાઈ છે.
આ પણ વાંચો: સુરત દુષ્કર્મ કેસમાં ગુજરાત હાઇકોર્ટે આસારામના હંગામી જામીન 21 ઓગસ્ટ સુધી લંબાવ્યા,21મીએ વધુ સુનાવણી
આ પણ વાંચો: નિર્ભયાકાંડ ના આરોપીઓ બાદ, સુરત દુષ્કર્મના આરોપીને અપાશે ફાંસી, જાણો કયારે અને કયા..?
આ પણ વાંચો: સુરત દુષ્કર્મ-હત્યા મામલો: આરોપીનો ચોકાવનારો ખુલાસો, માતાની પણ હત્યા કરી
