Surat News: સુરતની સમરસ ગર્લ્સ હોસ્ટેલમાં પ્રાથમિક સુવિધાઓને લઈને વિદ્યાર્થિનીઓમાં (Samaras Hostel Protest) અસંતોષ જોવા મળી રહ્યો છે. પાણીની અછત, મેસના ભોજનની ગુણવત્તા અને વોર્ડનના વલણ અંગે ફરિયાદો સાથે વિદ્યાર્થિનીઓએ હોસ્ટેલ પરિસરમાં (Surat Samaras Hostel) ધરણા શરૂ કર્યા છે. અખિલ ભારતીય વિદ્યાર્થી પરિષદના સમર્થનથી ચાલી રહેલા આ વિરોધ દરમિયાન પોલીસ બંદોબસ્ત પણ ગોઠવવામાં આવ્યો છે.
Samaras Hostel Protest: પાણીની અછતનો આક્ષેપ
વિદ્યાર્થિનીઓનો આક્ષેપ છે કે હોસ્ટેલમાં 24 કલાક પાણીની સુવિધા ઉપલબ્ધ હોવી જોઈએ, પરંતુ વાસ્તવમાં મર્યાદિત સમય માટે જ પાણી આપવામાં (Hostel Water Problem) આવે છે. તેમના જણાવ્યા મુજબ કેટલીક વખત માત્ર અડધો કલાકથી એક કલાક જેટલા સમય માટે પાણી મળતું હોવાના કારણે દૈનિક જરૂરિયાતો પૂરી કરવામાં મુશ્કેલી પડે છે.વિદ્યાર્થિનીઓએ પાણીની સમસ્યાનો કાયમી ઉકેલ લાવવાની માંગ કરી છે.
ભોજનની ગુણવત્તા અંગે પણ ફરિયાદ
હોસ્ટેલની મેસમાં મળતા ભોજનને લઈને પણ વિદ્યાર્થિનીઓએ (Surat Girls Hostel)ગંભીર ફરિયાદો કરી છે. તેમના આક્ષેપ મુજબ ભોજનમાં વારંવાર જીવાત જોવા મળતી હોવાના કારણે તેઓ ભોજનની ગુણવત્તા અને સ્વચ્છતાને લઈને ચિંતિત છે.વિદ્યાર્થિનીઓએ મેસ વ્યવસ્થામાં જરૂરી સુધારા અને ગુણવત્તાની યોગ્ય તપાસ કરવાની માંગ કરી છે.
વોર્ડન સામે પણ ફરિયાદ
વિદ્યાર્થિનીઓએ હોસ્ટેલના વોર્ડનના વલણ અંગે પણ ફરિયાદ કરી છે. વોર્ડન દ્વારા હેરાનગતિ કરવામાં આવતી હોવાનો આક્ષેપ કરીને તેમણે વોર્ડનને હટાવવાની માંગ કરી છે.વિદ્યાર્થિનીઓનું કહેવું છે કે તેમની સમસ્યાઓનું યોગ્ય રીતે નિરાકરણ આવે અને હોસ્ટેલમાં રહેવા માટે જરૂરી સુવિધાઓ ઉપલબ્ધ થાય તે જરૂરી છે.
15 કલાકથી વધુ સમયથી ધરણા
ABVPના (ABVP Surat) NEC સભ્ય મેઘા વાઘેલાના જણાવ્યા મુજબ વિદ્યાર્થિનીઓ 15 કલાકથી વધુ સમયથી ધરણા પર બેઠી છે. તેમનું કહેવું છે કે આટલા સમય બાદ પણ વહીવટી તંત્ર તરફથી સમસ્યાઓના કાયમી ઉકેલ અંગે નક્કર પગલાં લેવામાં આવ્યા નથી. વિદ્યાર્થિનીઓએ સ્પષ્ટ કર્યું છે કે જિલ્લા કલેક્ટર સ્થળ પર આવી તેમની રજૂઆત સાંભળે અને લેખિતમાં ખાતરી આપે ત્યાં સુધી ધરણા ચાલુ રાખવામાં આવશે.
પોલીસ બંદોબસ્ત ગોઠવાયો
વિદ્યાર્થિનીઓના વિરોધને પગલે હોસ્ટેલ પરિસરમાં પોલીસ કાફલો તૈનાત કરવામાં આવ્યો છે. હાલ સમગ્ર મામલે વહીવટી તંત્ર દ્વારા શું કાર્યવાહી કરવામાં આવે છે અને વિદ્યાર્થિનીઓની ફરિયાદોનું કેવી રીતે નિરાકરણ આવે છે તેના પર નજર છે.વિદ્યાર્થિનીઓએ માંગણીઓ સ્વીકારવામાં નહીં આવે તો આગામી દિવસોમાં આંદોલન વધુ ઉગ્ર બનાવવાની ચીમકી પણ આપી છે.
આ પણ વાંચો: ગુજરાત યુનિવર્સિટીની સમરસ હોસ્ટેલમાં ભોજનમાંથી જીવાત! 100થી વધુ વિદ્યાર્થિનીઓનો હોબાળો
આ પણ વાંચો: ગર્લ્સ હોસ્ટેલ અને વર્કિંગ વુમન હોસ્ટેલ મહિલા સશક્તીકરણનું ઉત્તમ ઉદાહરણઃ સીએમ ભુપેન્દ્ર પટેલ
આ પણ વાંચો: સમરસ હોસ્ટેલમાં હોબાળો, આ કારણે વિદ્યાર્થીઓ કરી રહ્યાં છે વિરોધ
